ცრუ ანუ ფანტომური ფეხმძიმობის იშვიათი შემთხვევა მოხდა კანადის ერთ-ერთ პროვინციაში. კვებეკის მცხოვრები ბარბარა ბენვინიუ მივიდა კლინიკაში და განაცხადა, რომ მას უკვე გადაუცილდა მშობიარობის დრო, ამასთანავე ის დაჟინებით ირწმუნებოდა, რომ მუცლით ხუთ ტყუპისცალს ატარებდა. მიუხედევად იმისა, რომ პაციენტის მუცელი საკმაოდ დიდი ზომისა იყო, ულტრაბგერითმა გამოკვლევამ აჩვენა, რომ საშვილოსნოში ნაყოფი არ იმყოფებოდა.

აღმოჩნდა, რომ ბარბარა იტანჯება უიშვიათესი ფსიქიკური დაავადებით-ცრუ ანუ ფანტომური ფეხმძიმობით.

ბარბარას ქმარი გამოტყდა, რომ ის შოკის მდგომარეობაში ჩავარდა, როცა ეს ამბავი შეიტყო. კაცი რამოდენიმე თვის განმავლობაში ანებივრებდა ცოლს, ტკბებოდა მომავალი მამობის სიხარულით და არჩევდა სახელებს ტყუპებისათვის.

უფრო მეტიც, ის ამტკიცებდა, რომ ბარბარა განიცდიდა ორსულებისათვის დამახასიათებელ ყველა სიმპტომს და მისი მუცელი თანდათანობით იზრდებოდა მშობიარობის დროის მოახლოების შესაბამისად.

ამჟამად ბარბარა გადის მკურნალობის კურსს ფსიქიატრთან, ხოლო მისი მეუღლე ოჯახიდან წავიდა, რადგან ვერ შეეგუა იმედგაცრუებას.

ცრუ ფეხმძიმობა ბარბარა ბენვენიუს ადრეც აღენიშნებოდა. მისი თქმით, ის ერთხელ ორ ტყუპზე იყო ფეხმძიმედ, ხოლო მეორედ სამზე.