2011 წელს, ახლა უკვე 19 წლის როზი პალეიმ გაიღვიძა საავადმყოფოში და აღმოაჩინა, რომ აბსოლუტურად არ ახსოვდა წარსული ცხოვრება.

შეყვარებული, რომელთანაც ჯერ კიდევ წინა დღეს სეირნობდა ვერ იცნო, ვერ იცნო თავის ახლო ნათესავებიც, გოგონა დღესაც ვერ ცნობს ვერავის, იუწყება Daily Mail-ი.

აგერ უკვე სამი წელი გავიდა და როზი ცდილობს ფრაგმენტულად მაინც აღიდგინოს წარსული ცხოვრება, თუმცა ჯერჯერობით არ გამოსდის.არ ახსოვს ნათესავები, რომელი იყო მისი საყვარელი ჯგუფი, რომელი საკვები უყვარდა, არც ის ახსოვს, რომ ცხენით სეირნობაზე გიჟდებოდა.

2011 წლის აგვისტოში როზი თავის მეგობარ ბიჭთან ერთად სეირნობდა, როდესაც მოულოდნელად გული წაუვიდა, ამის შემდეგ იგი ბიჭმა სახლში მიაცილა, თუმცა სახლში კვლავ გაუმეორდა გულის წასვლა და კიბეებზე დაეცა.

ექიმებმა როზის დაუსვევს დიაგნოზი:ანცეფალიტი, რომელიც ჩვეულებრივმა ჰერპესმა გამოიწვია.

"მართალია მე დამავიწყდა ყველა ჩემი მეგობარი და ნათესავი, თუმცა მსიამოვნებს მათი ხელახლა გაცნობა, ჩემი უმცროსი ძმა რისი მიყვება ხოლმე რასაც ერთად ვაკეთებდით წარსულში, ვწუხვარ, რომ ყველაფერი დამავიწყდა, მაგრამ დანებებას არ ვაპირებ"-განაცხადა როზიმ.

როზი ახლახან გამოეწერა საავადმყოფოდან და პარიკმახერის კურსებზე დაიწყო სიარული.

როგორც არ უნდა იყოს, იგი იტანჯება მოკლე მეხსიერების დაკარგვით, ყოველ დილით რვეულში ადგენს სიას, თუ სად უნდა მივიდეს, ვისთან და რა უნდა გააკეთოს.