რუსმა ფოტოგრაფმა კატერინა პლოტნიკოვამ თავისი ორიგინალური პროექტით მთელი მსოფლიო მოიცვა. კერძოდ, მან სურეალისტური ფოტოები გადაიღო, სადაც ასახულია ადამიანებისა და ცხოველთა სამყაროს იდილია, ჰარმონიული ურთიერთობა, სადაც არანაირი ზღვარი არარსებობს. ამ სამყაროში არარსებობს შიში და დაპირისპირებული მხარეები. იდეის განხორციელებაში აქტიურად იყვნენ ჩართულნი ცხოველების მომთვინიერებლები, რადგან მათ გარეშე ნამდვილად
რთული იქნებოდა იმ ყველაფრის ფოტოზე აღბეჭვდა, რაც მას სურდა.
გინახავთ ოდესმე დათვი პრინცესას ხელზე ეამბორებოდეს? ან ბუ ეხუტებოდეს გოგონას? ლამა აღვიძებდეს დილით ადამიანს?......... სპილო, ჟირაფი, ირემი, ზღარბები, აქლემი, მელია, გველი, ენოტი, ლოსი, ლამა, მამალი, ფარშევანგი......... ეს იმ ცხოველთა და ფრინველების ჩამონათვალია, რომლებიც კატერინა პლოტნიკოვამ თავის პროექტში გამოიყენა და მათ მეწყვილედ, შესაბამის ფერებში გადაწყვეტილი გოგონები მოუძებნა. ფოტოები ძალზედ ორიგინალური და ლამაზია, რომელიც ბევრს ფოტომონთაჟი ეგონა, მაგრამ თითოეული ცხოველი თუ ფრინველი ნამდვილი და ცოცხალია, ყოველგვარი მონტაჟისა და ფოტოშოფის გარეშე. ფოტოებმა მალევე მოიცვა სოციალური ქსელები თუ ზოგადად ინტერნეტსივრცე, რამაც იმაზე მალე მოუტანა სახელი რუს ფოტოგრაფს, ვიდრე მას წარმოედგინა.