პაპირუსი, ახლა უკვე ცნობილი როგორც "იესოს ცოლის სახარება" (The Gospel of Jesus's Wife), უძველესი ჭეშმარიტი საბუთია. დაწერილია იმ დროს, როდესაც დაიწერა მათეს, ლუკას, იოანესი და მარკოზის სახარება და გახდა კანონიკური. პაპირუსის ტექსტი შოკისმომგვრელი შინარსისაა.

შეგახსენებთ რაზეა საუბარი:ორი წლის წინ ჰარვარდის უნივერსიტეტის ღვთისმეტყველების პროფესორმა კარენ კინგმა (Karen L. King) რომის მე-10 კოპტის კველევის საერთაშორისო კონგრესზე((Х International Coptic Congress in Rome) წარმოადგინა სენსაციური დოკუმენტი, პაპირუსის ნაგლეჯი დაწერილი ადრეული ეგვიპტელი ქრისტიანების-კოპტების ენაზე.ტექსტში არაორაზროვნად მინიშნებულია იმაზე, რომ იესო ცოლიანი იყო. (ამ თემაზე თავის დროზე ვწერდი "იესო ქრისტე ცოლიანი იყო?)

პაპირუსის ზომა 4X8-ზეა და მასზე 8 სტრიქონია განთავსებული.მე-9 არ იკითხება:"

"...არა მარია იმსახურებს ამას ..."

"... ეს შეიძლება იყოს ჩემი მიმდევარი...."

და რაც მთავარია:

"... და იესომ უთხრა მათ: ჩემი ცოლი ..."

"... როგორც ჩემთვის, მე, ის ..."

იესო აღიარებს, რომ ცოლიანია, სავარაუდოდ მარია მაგდალინელზეა საუბარი...

ორი წლის წინ თვითო კარენ კინგს ეეჭვებოდა, რომ ეს შესაძლოა ისტორიული ჭეშმარიტება ყოფილიყო, თუმცა იმასაც აღიარებდა, რომ არაა მტკიცებულება იმის შესახებაც, რომ იესო ქრისტე ცოლიანი არ იყო.

მაშინ უმეტესმა მკვლევარებმა დოკუმენტს ფალსიფიკაცია უწოდეს.

-მე დარწმუნებული ვარ, რომ საქმე გვაქვს აუტენტურ საბუთთან-განაცხადა პროფესორმა-კოპტოლოგმა სტეფან ემელიმ მიუნსტერის უნივერსიტეტიდან, თუმცა მანვე აღიარა, რომ პაპირუსის ტექსტი სწორადაა ნათარგმნი.

-ეს ფალსიფიკაციაა-მწვავე რეაგირება მოახდინა ალინ სიციუმ, ჰამბურგის უნივერსიტეტის პაპიროლოგმა-ფრაგმენტის ნამდვილობა ეჭვქვეშ დგას.

კვლევა 2 წელი გრძელდებოდა, სკეპტიკოსებიც გაოგნებულები არიან.პაპირუსი ყალბი არაა, ამერიკის სამი უნივერსიტეტის მკვლევარები ერთმანეთისგან დამოუკიდებლად იკვლევდნენ ფრაგმენტს და ერთხმად მივიდნენ დასკვნამდე:ტექსტი დაწერილია ჩვ. წელთაღრიცხვით არაუგვიანეს მე-6 საუკუნეში.

პაპირუსის ფრაგმენტის მელანი შეადარეს უძველეს კოპტურ დოკუმენტს, ე.წ. მიკრო-რამანული სპექტროკსოპიული ანალიზით, პაპირუსის ფრაგმენტი მელანი და დოკუმენტი, რომელიც ჩვ. წელთაღრიცხვით პირველ საუკუნეშია დაწერილი იდენტური აღმოჩნდა.

საიდან მოიტანა კინგმა პაპირუსის ნაგლეჯი? თვითონ აცხადებს, რომ კერძო კოლექციონერისგან შეიძინა, რომლის სახელსაც ის არ ახმაურებს.

იცოდა თუ არა ამ პაპირუსის შესახებ დენ ბრაუნმა?ავტორმა სკანდალური წიგნისა "და ვინჩის კოდი", სავსებით შესაძლებელია.სწორედ იესოს ცოლმა და შვილებმა დააინტრიგა წიგნის მკითხველი.

თუმცა დენ ბრაუნი უფრო "ფილიპეს სახარებას" დაეყრდნო, (მარია მაგდალინელი ნახსენებია იქ, როგორც იესოს "ცხოვრების მეგზური")რომელიც 1945 წელს იქნა აღმოჩენილი ეგვიპტეში და დათარიღებულია ჩვ. წელთაღრიცხვით მეორე საუკუნეში.