ჩინელ ბიჭუნას ჩენ სიაოტიანს (Chen Xiaotian) ექიმებმა საშინელი დიაგნოზი დაუსვეს-თავის ტვინის ავთვისებიანი სიმსივნე. იმავდროულად ბიჭის დედას თირკმლების მწვავე უკმარისობა აღმოაჩნდა. როცა მათმა დაავადებებმა კრიტიკულ ზღვარს მიაღწია, ჩენმა დათმო თავის დარჩენილი ხანმოკლე სიცოცხლე, რათა დედას დიდხანს ეცოცხლა.

ჩენს ექიმებმა თავის ტვინის ავთვისებიანი სიმსივნის დიაგნოზი დაუსვეს, ხოლო რამოდენიმე თვის შემდეგ მისმა დედამ შეიტყო, რომ თირკმელების უმძიმესი დაავადება აქვს. ბიჭს ოპერაცია ჩაუტარდა, მაგრამ უშედეგოდ- ოპერაციის შემდეგ მეტასტაზებმა კვლავ იწყო ზრდა და ბიჭუნას გარდაუვალი სიკვდილი ელოდა. ჩენი დაბრმავდა სიმსივნის ინტენსიური ზრდის გამო. ის ამ დროს სულ 5 წლის იყო.

ბავშვის დედა ჩჟოუ ლუ (Zhou Lou)მწვავე ურემიით იტანჯებოდა და მისი ხსნა მხოლოდ თირკმლის გადანერგვას შეეძლო.

ექიმებმა იცოდნენ, რომ ჩენი მალე მოკვდებოდა, მოკვდებოდა დედამისიც, თუკი ჯანმრთელ თირკმელს არ გადაუნერგავდნენ. მათ ისიც იცოდნენ, რომ ყველაზე საუკეთესო ვარიანტი საკუთარი შვილისაგან გადანერგილი ორგანო იქნებოდა, ამიტომ შესთავაზეს ჩჟოეს შვილის თირკმელი გადაენერგა.

როცა ქალმა პირველად მოისმინა ექიმების შემოთავაზება, ის სატიკ უარზე წავიდა. მაშინ ჩენი დაელაპარაკა დედას, სთხოვა დათანხმებულიყო და მიეღო მისი თირკმელი. ბავშვს ძალიან უნდოდა, რომ დედას ეცოცხლა. ჩენის დაჟინებული თხოვნის შემდეგ ჩჟოე დათანხმდა მიეღო შვილისაგან ეს მსხვერპლი. მან თქვა, რომ ამით ოდნავ მაინც იგრძნობდა შვებას, ეცოდინებოდა რა, რომ ჩენის სხეულის ნაწილი მისი ორგანიზმის ნაწილი გახდებოდა.

გადანერგვის ოპერაცია წარმატებით დასრულდა, დედას შვილის მარცხენა თირკმელი გადაუნერგეს.

ჩენი გარდაიცვალა 6 წლის ასაკში. მისი სიკვდილის შემდეგ, ბიჭუნას ანდერძის თანახმად, მეორე თირკმელი და ღვიძლი მძიმე ავადმყოფებს გადაუნერგეს. ასე რომ, ჩენმა იხსნა სამი ადამიანის სიცოცხლე, მაგრამ თავისას კი, სამწუხაროდ, გამოეთხოვა.

ექიმები დარწმუნებულნი არიან, რომ ჩენის დედა გააგრძელებს ნორმალურ ჯანმრთელ ცხოვრებას მისი

შვილის მიერ გადანერგილი თირკმელის წყალობით.