გავეცნობით ერთი ჰიტ სიმღერის ისტორიას, რომელიც აგერ უკვე თითქმის ნახევარი საუკუნეა ჟღერს ჩვენს გარშემო, სიმღერა შეასრულა უამრავმა შემსრულებელმა, გამოყენებულია მრავალ ფილმში და სარეკლამო რგოლებში.

სიმღერა Hush(ჩუმად) შექმნა ამერიკელმა კომპოზიტორმა და მუსიკოსმა ჯო საუთმა(Joe South), პირველად სიმღერა შეასრულა ბილი ჯო როიალმა(Billy Joe Royal)-მა, რომელმაც #52-ადგილი დაიკავა Billboard Hot 100-ში 1967 წლის ოქტომბერ-ნოემბერში. "ჩუმად, ჩუმად, ვფიქრობ, რომ მომესმა როგორ იძახის ის ჩემს სახელს", ტრადიციული ევანგელური სიმღერის ტექტიდანაა აღებული.

თუმცა საყოველთაო პოპულარობა სიმღერამ ჯგუფ DEEP PURPLE-ს შესრულებით მოიპოვა, ა.შ.შ-ს Billboard Hot 100-ში მე-4, ხოლო კანადაში მე-2 ადგილი დაიკავა 1968 წლის სექტემბერში. ამავე 1968 წელს ფრანგი როკის მამა, მომღერალი ჯონი ჰოლიდეი ასრულებს ამ სიმღერას "Mal".

ამავე 1968 წელს ამერიკელმა მომღერალმა ქალმა მერილი რაშმა შეიტანა სიმღერა სადებიუტო ალბომში Angel of the Morning.

1982 წელს იტალიური დისკო-ფანკ ჯგუფი Funk Machine- ასრულებს ამ სიმღერას .(ალბომი Dance on the Groove and do the Funk".)

1988 წელს Deep Purple 20 წლიან იუბილეს უხდის სიმღერას და უშვებს ახალ ვერსიას, ამჯერად გილანის შესრულებით(პირველ ვერსიაში როდ ევანსი მღერის), რომელიც ალბომ Nobody's Perfect-ში შევიდა.ბრიტანეთის ჩარტებში #62 ადგილს იკავებს, ხოლო ა.შ.შ-ში #44-ს.

1989 წელს ამერიკულმა ჯგუფმა კილდოზერმა შეასრულა სიმღერა, რომელიც შევიდა ალბომში "For Ladies Only."

1991 წელს კიდევ ერთმა ამერიკულმა ჯგუფმა Prime Movers-მა ჩაწერა სიმღერა Hush.

1992 წელს ყველაზე პოპულარულმა შვეიცარიულმა ჯგუფმა Gotthard-მა ამ სიმღერის შესანიშნავი ვარიანტი შემოგვთავაზა.

ბრიტანელმა Kula Shaker-მა 1997 წელს ფაქტიურად გაიმეორა Deep Purple-ს წარმატება, მათმა ვერსიამ ბრიტანეთში #2, ხოლო ა.შ.შ-ში #19 ადგილი დაიკავა.

ბოლოს შემოგთავაზებთ სიმღერას მარიკო ლეჟავას შესრულებით "საქართველოს ვარსკვლავში".