რვა კვერცხის ცილა გავთქვიფოთ გათეთრებამდე; თანდათან დავუმატოთ 2 ჩაის ჭიქა შაქრის ფხვნილი და კვლავ ვთქვიფოთ. შემდეგ სათითაოდ შევათქვიფოთ კვერცხის გულები, 1 ჩაის ჭიქა ფქვილი. ყალიბში ჩავაფინოთ პერგამენტის ქაღალდი, წავუსვათ ცხიმი, მოვაყაროთ ცოტა წმინდად დაფქვილი ორცხობილა, ჩავასხათ ბისკვიტის ცომი და შევდგათ ღუმელში გამოსაცხობად (დაბალ ცეცხლზე). როცა გამოცხვება, ბისკვიტი გავჭრათ შუაზე, დავნამოთ, წავუსვათ შოკოლადის კრემი, დავაფაროთ მეორე ნახევარი, ზემოდან წავუსვათ კრემი და მოვრთოთ სპეციალური მოსართავით. გვერდებზეც წავუსვათ კრემი და მოვაყაროთ დაჭრილი ნიგოზი.

შოკოლადის კრემი მოვამზადოთ შემდეგნაირად:

1 ჩაის ჭიქა შაქრის პუდრს შევურიოთ 50 გრამი კაკაოს ფხვნილი, დავასხათ 0.5 ჩაის ჭიქა მდუღარე რძე და თან კარგად ვურიოთ.

300 გრამი კარაქი ავზილოთ, გავთქვიფოთ გათეთრებამდე და ცოტ-ცოტა შევათქვიფოთ რძისა და კაკაოს ფხვნილის ნარევი. ვთქვიფოთ კარგად, სანამ არ მივირებთ ჰაეროვან მასას.

მასალა:

კვერცხი-8 ცალი

შაქრის ფხვნილი-2 ჩაის ჭიქა

შაქრის პუდრი-1 ჩაის ჭიქა

ფქვილი-1 ჩაის ჭიქა

კარაქი-300 გრამი

კაკაოს ფხვნილი-50 გრამი

რძე-0, 5 ჩაის ჭიქა