უკრაინის "ტირანი" პრეზიდენტის ვიქტორ იანუკოვიჩის რეზიდენცია, რომელიც 140 ჰექტარზეა გადაჭიმული, მისი გაქცევის შემდეგ შტურმით აიღეს სემონსტრანტებმა. ეს ფეშენებელური შენობა კიევიდან ერთი საათის სავალზე მდებარეობს Mezhyhirya -

ში, სადაც ანტისამთავრობო დემონსტრანტები შეიჭრნენ, მაგრამ აქცია შედარებით სრულ კონტროლს ექვემდებარება და რეზიდენციაში უსაფრთხოების ნორმები დაცულია.ინფორმაციას ამის შესახებ ავრცელებს "როიტერი".ტერიტორიაზე სრული ფუფუნებაა: უზარმაზარი ავტოფარეხი, საკუთარი ზოოპარკი, გოლფის უზარმაზარი მოედანი, ვერტმფრენები, კლასიკური სპორტული ავტომანქანები, რომელთა ფასი მილიონობით დოლარია, და მილიონებად ღირებული ავეჯი.აქვეა ეგზოტიკური ბაღი, სადაც ავსტრალიისა და აფრიკის ქვეყნებიდან ჩამოყვანილი სირაქლემებია.

და ეს ხდება ქვეყანაში, სადაც მოსახლეობის უმეტესობას საშუალო ხელფასი 300 ევრო აქვს.
ქვემოთ ფოტოზე კი რეზიდენციის მომდებარე ტერიტორიაზე ფეშენებელური რესტორანია აღბეჭდილი, სადაც უკრაინის ყოფილი პრეზიდენტი ვიქტორ იანუკოვიჩი სხვადასხვა ქვეყნებიდან ჩამოსულ საპატიო სტუმრებს იღებდა.
ვიზიტორებს შეუძლიათ დაათვალიერონ ეგზოტიკურ ბაღებთან ერთად ძეგლები და ქანდაკებები, რომლიებც მრავლადაა წარმოდგენილი .

გავრცელებული ინფორმაციით, როდესაც იანუკოვიჩის ოცნება დასრულდა და 63 წლის პრეზიდენტის პერსონა გაიქცა, პროტესტანტები სწორედ ამ რეზიდენციაზე ფიქრობდნენ, რომ აქ შეაფარებდა თავს "გაქცეული პრეზიდენტი" და ამიტომაც მანქანებით და ათასობით მომიტინგე კი ფეხით დაედევნა "ტირანს მოსაკლავად.