სერიალ „ჩემი ცოლის დაქალების“ ფეისბუქ გვერდზე ახალი
სეზონის ანონსი გამოჩნდა, რომელმაც უამრავი მოწონება დაიმსახურა ქართული სერიალების მოყვარულების მხრიდან, ორი მიზეზის გამო. პირველი, როგორც იქნა, ორ თვიანი შესვენების შემდეგ, 1 მარტიდან, ახალი მე-5 სეზონი დაიწყება და მეორე - ანონსში ყურადღება გამახვილებულია სერიალის ახალ პერსონაჟზე, მორიგ ცოლის დაქალზე, რომელიც ყველასათვის ნაცნობი და საყვარელი მსახიობი თინა მახარაძე არის. იგი ქართველმა მაყურებელმა
ტელეკომპანია „იმედის“ ქართული სერიალიდან, „გოგონა გარეუბნიდან“ გაიცნო.
შეგახსენებთ, რომ თინა მახარაძე ახალგაზრდა, ნიჭიერი მსახიობია, რომელმაც მაყურებლის სიმპატია ძალიან მოკლე დროში ნამდვილად დამსახურებულად მოიპოვა. დიდხანს ველოდით სერიალში მის გალამაზებას და საბოლოოდ თინა ნიჭიერთან ერთად, ულამაზესი გოგონაც აღმოჩნდა, რომელიც უცებ მოექცა სხვადასხვა გადაცემების და შოწების ეპიცენტრში. სერიალის
შემდეგ ის ეკრანებზე თითქმის აღარ გამოჩენილა. ამ ბოლო დროს კი გავრცელდა მისი ინტერვიუ, საიდანაც ჩანს რომ მას საკმაოდ თავისუფალი ცხოვრების წესი აქვს, თუმცა რა თქმა უნდა ის იმ გამაღიზიანებელი ქართველი შოუბიზნესის წარმომადგენლებს ნამდვილად არ მიეკუთვნება, რომლებიც თავს გვახვევენ
თავიანთი ცხოვრების თითოეულ დეტალს.