ჰოლივუდი შოკირებულია ცნობილი მსახიობის ფილიპ სეიმურ ჰოფმანის უეცარი გარდაცველების გამო. 46 წლის მსახიობის გვამი იპოვეს კვირა დილით მის აპარტამენტებში, რომელიც მანჰეტენის რაიონში მდებარეობს. როგორც ტელეარხი CNN აცხადებს, გარდაცვალების მიზეზი შეიძლება იყოს ნარკოტიკების გადაჭარბებული დოზით მიღება.

კოლეგები სამძიმარს გამოთქვამენ და გლოვობენ ჰოფმანის მრავალრიცხოვან თაყვანისმცემლებთან ერთად, განათავსეს რა თანაგრძნობის სიტყვები სოციალურ ქსელებში. მსახიობმა ჯულიანა მურმა, რომელმაც ჰოფმანთან ერთად ითამაშა ფილმებში :"ღამე ბუგის სტილში" და "მაგნოლია", განაცხადა, რომ ის თავს იღბლიან ადამიანად თვლის, რომ ასეთ ნიჭიერ ადამიანთან მოუწია მუშაობა."მთელი არსებით ვუთანაგრძნობ სეიმურის ოჯახს"- წერს ის თავის გვერდზე.

ტომ ჰენქსის ( მან გარდაცვლილ მსახიობთან ითამაშა ფილმში "ჩარლი უილსონის ბრძოლა") სიტყვებით :"დღე

, როდესაც ფილიპი წავიდა ამქვეყნიდან, ყველაზე უბედური დღეა მათთვის, ვინც ამ უნიჭიერეს ადამიანს იცნობდა".

"სიტყვებს ვერ ვპოულობ, ეს საშინელებაა"–გამოთქვამს თავის გულისტკივილს ჯორჯ კლუნი.

2006 წელს ფილიპ სეიმურ ჰოფმანმა მიიღო "ოსკარი" მამაკაცის საუკეთესო მთავარი როლისათვის ფილმში"კაპოტე", რომელშიც ცნობილი ამერიკელი მწერლის ტრუმენ კაპოტეს როლი შეასრულა.

2012 წელს ის მიჩნეული იქნა საუკეთესო მამაკაც მსახიობად ვენეციის საერთაშორისო კინოფესტივალზე-ფილმში "ოსტატი" მეორეხარისხოვანი როლის შესრულებისათვის.

ფილიპ სეიმურ ჰოფმანი ცნობილია აგრეთვე შემდეგ ფილმებში მონაწილეობით:"ქალის სურნელი", "ნიჭიერი მისტერ რიპლი", "ადამიანი, როემლმაც ყველაფერი შეცვალა", "ნიუ-იორკი, ნიუ-იორკი", "25-ე საათი" და სხვა.

მისი ბოლო ნამუშევარი იყო პლუტარქ ჰევენსბის როლი ცნობილ ფილმში "შიმშილის თამაშები".