ბედის მორჩილად თვით ღმერთმა შეგქვმნა,

მასთან ჭიდილის არ მოგვცა ნება,

ბედი ბედია, თავად გვეწვევა,

იმას აგვიხდენს რაც დაგვეწერა.

არც გამოგიკლებს, არც ჩაგიმატებს,

სიზუსტის დაცვა მისი წესია,

ბედი ბედია, არ შეებრძოლო,

რომ შეეგუო უკეთესია!

მხოლოდ ეცადე, არ დაგაჩოქოს,

ძალა აჩვენე გასაკვირველი,

იმით აჯობებ, თუ არ გაგტეხავს,

მის მწარე ხვედრსაც თუ გაუძელი.

ბედი ბედია და თავად ბედობს,

ბედის ბედობა ყველას ეწევა,

ვერავინ ვერსად დაემალება,

სადაც არ ელი იქ მოგეწევა.