ამერიკის შეერთებულ შტატებში, მერილენდის შტატში, ორი ქალი დაკავებული იქნა მკვლელობის ბრალდებით, -აცხადებს Associated Press.

თვითონ ბრალდებულები აცხადებენ, რომ მათ ჩაიდინეს არა მკვლელობა, არამედ "ეშმაკის განდევნის რიტუალი". ეგზორციზმის მსხვერპლი გახდა ორი ბავშვი- 2 და 1 წლის.

პოლიციის თანამშრომლების თქმით, ბავშვები გარდაიცვალნენ დანით მიყენებული უამრავი ჭრილობის გამო.

გარდა ამისა, ქალებს ბრალდებად წაუყენეს მსხვერპლის დებსა და ძმებზე თავდასხმა, თუმცა საბედნიეროდ, ისინი მოძალადეებს გადაურჩნენ.

ერთ-ერთი ბრალდებული მსხვერპლის დედაა. პოლიციელების მისვლის დროს ის გაქცევას ცდილობდა, თუმცა ეს ვერ მოახერხა და დაკავებულ იქნა.

დაკავებულებს წაუყენეს წინასწარგანზრახული პირველი ხარისხის მკვლელობის ბრალდება, თუმცა ისინი კატეგორიულად უარყოფენ დანაშაულს.