21 დეკემბერს საღამოს ათასობით ადამიანი შეკრიბა 8 წლის დილეინი ბრაუნის სახლის წინ ქუჩაში, რათა მომაკვდავი გოგონას უკანასკნელი სურვილი შეესრულებინათ. გოგონა მწვავე მელოლეიკოზითაა დაავადებული და მისი ჯანმრთელობის მდგომარეობა დღითიდღე უარესდება.

ამა წლის მაისში პენსილვანიელ 8 წლის დიელინს საშინელი დიაგნოზი დაუსვეს-მწვავე მიელოლეიკოზი. გოგონას გადარჩენის შანსი ფაქტიურად არ არსებობდა. 17 დეკემბერს ექიმებმა მშობლებს განუცხადეს, რომ დილეინს რამოდენიმე კვირის სიცოცხლეღა დარჩა.

20 დეკემბერს გოგონას დაბადების დღე იყო, შობაც კარზეა ამ დროს მომდგარი, ამიტომ ბავშვის მშობლებმა Facebook -ის საშუალებით ხალხს მიმართეს თხოვნით შეძლებისდაგავრად შეესრულებინათ დილეინის უკანასკნელი საშობაო სურვილი.

გოგონას ერთ-ერთი უკანასკნელი სურვილი იყო, შეხვედროდა ქანთრის მომღერალს და მსახიობს ტეილორ სვიფტს, მეორე-მოესმინა საშაობაო მესა. ბავშვის დასახმარებლად შექმნილი ფონდის დამსახურება იყო, რომ დაბადების დღე დილეინს მისმა საყვარელმა მომღერალმა მიულოცა ტელეფონით, ხოლო მეორე დღეს საღამოთი მისი სახლის წინ 10 000-მდე ადამიანი შეიკრიბა, რომლებმაც საშობაო ჰიმნები შეასრულეს. ესენი იყვნენ კეთილი ადამიანები, რომლებმა Facebook-ის საშულებით შეიტყვეს გოგონას უკანასკნელი სურვილის შესახებ. მთელი 1 საათის განმავლობაში ისინი მღეროდნენ საშობაო მესას, დილეინი კი საკუთარ საწოლში ჩაწოლილი თავის სიცოცხლეში უკანასკნელად ისმენდა ამ ჰიმნს.