60 წლის ამერიკელმა პენსიონერმა გარიმ ფულის შოვის მეტად ორიგინალურ ხერხს მიაგნო: თითოეულ დახარჯულ ბანკნოტზე ის წერს შემდეგ სიტყვებს:"გთხოვთ, თუკი გაქვთ საშუალება, დამიბრუნეთ ეს ბანკნოტი უკან. მე ძალიან ღარიბი ვარ". სიტყვების ქვემოთ კი გარი წერს თავის მისამართს. როგორც არ უნდა გაგვიკვირდეს, ამ მეთოდმა ძალიან კარგად იმუშავა.ადამიანების საკმაოდ დიდი რაოდენობა მფლობელს უკან უბრუნებს თანხას, თან ამ პროცედურის გამეორება უსასრულოდაა შესაძლებელი.

იმისათვის, რათა გაზარდოს ბანკნოტების დაბრუნების ალბათობა, გარი ძირითადად ხარჯავს ერთდოლარიან კუპიურებს. ხალხს უფრო უიოლდება მათი დაბრუნება, ვიდრე 10 ან 20 დოლარის. დღეში გონაბამახვილი პენსიონერი საშუალოდ 2 დოლარს შოულობს, თვეში -დაახლოოებით 60-70 დოლარს, ხანდახან კი პრემიებიც ახარებენ მოხუცს. ყოფილა შემთხვევა, რომ ფული დაუბრუნებიათ არამარტო ამერიკიდან, არამედ ავსტრალიიდან, ნიდერლანდებიდან და ბრაზილიიდანაც კი.

გარის სრულებით არ რცხვენია თავისი მეთოდის და ამას არც მათხოვრობად თვლის. ის ამბობს, რომ ეს მხოლოდ ხუმრობაა და ადამიანებს აძლევს გაცინების და კარგ ხასიათზე დადგომის საშუალებას. ბევრი წერს მას ამ იდეისადმი დადებით დამოკიდებულებაზე, ბევრს კი უკვირს, რატომ თავად ვერ მოფიქრეს ეს.