26 ნოემბერს ამერიკული "ცეკვავენ ვარსკვლავების" მე-17 სეზონის ფინალი გაიმართა. გამარჯვებულის ტიტულის მოსაპოვებლად სამი წყვილი იბრძოდა - მსახიობი კორბინ ბლუ და მოცეკვავე კარინა სმირნოფი, ოზი ოსბორნის შვილი ჯეკ ოზბორნი და მოცეკვავე შერილ ბურკი, მსახიობი ამბერ რაილი და მოცეკვავე დერეკ ჰაფი.

წყვილებმა ფინალში რამდენიმე ცეკვა შეასრულეს. მაყურებელთა გადაწყვეტილებით, გამარჯვებულად სერიალ Glee-ს ვარსკვლავი ამბერ რაილი და მისი პარტნიორი დერეკ ჰაფი დასახელდნენ. აღსანიშნავია, რომ ეს დერეკისთვის უკვე მეხუთე გამარჯვებაა. მეორე ადგილი კორბინმა და კარინამ დაიკავეს, ხოლო მესამეზე ჯეკი და შერილი გავიდნენ.