''რა სურთ ქალებს?!'' ეს ფრაზა
ხშირად გვსმენია, პასუხი ამ
კითხვაზე არაერთფეროვანი და
უმეტეს შემთხვევაში სულელურიც
კია. მაგრამ მოდი დავფიქრდეთ
თავად კაცებს რაღა სურთ
ჩვენგან?! ურთიერთობის
პირველ ეტაპზე თითქოს არაფერი,
მხოლოდ ის გვევალება რომ ვიყოთ
საინტერესოები, ლამაზები და ბავშვურად მიამიტები. მეორე ეტაპზე მხიარულები, იუმორის გრძნობით და საინტერესოდ
სულელი მოსაუბრეები. მაგრამ რა ხდება მესამე ეტაპზე?!
როდესაც უკვე ოჯახი შეიქმნა და ერთი შეხედვით ყველა ბედნიერია?!
აღარავის სჭირდება ჩვენი მიამიტობა, მხიარულება, ან სისულელე. კაცი
ელოდება რომ ძირფესვიანად შევიცვლებით! გავხდებით სერიოზულები, მშვიდები და წყნარები. მაგრამ რა მოხდა? მას ხომ ასეთი ვუყვარდით?!კი და მას ისევ ასეთები უყვარს, მაგრამ
ეხლა ყველაფერი შეიცვალა.ჩვენ ცოლი ვართ და აღარ გვეკადრება
ვიყოთ მხიარულები. არც უხასიათობა შეგვფერის. ჩვენ უნდა ვიყოთ
გაწონასწორებული და სერიოზულები. არ უნდა გვქონდეს
არავითარი პრეტენზიები და ყველა საკითხში უნდა ვეთანხმებოდეთ
მამაკაცს, რადგან ის ყოველთვის ''მართალია'' და მაინც თუ არ არის მართალი მაინც უნდა დავეთანხმოთ რადგან ცოლი ვართ. ეს
წესია ესეთი! ეს წესი ვინ დაწერა არავინ იცის მაგრამ ეს ასეა და არ უნდა ვიდავოთ! არ უნდა გვქონდეს ოცნებები, რადგან ჩვენ თუ ჩვენი ოცნებების განხორციელება გვენდომება ქმარს ხელს შევუშლით თავის ოცნებებში ეს კი ძალიან ცუდია! არ უნდა გინდოდეს სწავლა ან
მუშაობა რადგან ოჯახს ვინ მიხედავს?!მეუღლის დახმარების
იმედიც არ უნდა გქონდეს რადგან ის კაცია და ამიტომ. მერე რა
რომ 15 წლის გათხოვდი?! ან მოგიტაცეს და გამოსავალი არ დაგიტოვეს?!მერე რა რომ ცხოვრება არ გინახავს?!ცხოვრებაზე
მაინც უარი უნდა ვთქვათ რადგან ქალი ვართ, 15 წლის ქალი... მარტო ცხოვრებაზე კი არა, ჩვენს თავზეც უნდა ვთქვათ უარი და მხოლოდ ის გვინდოდეს რაც ქმარს ან ქმრის ოჯახს ემეტება
ჩვენთვის! მხოლოდ ის ვიყოთ რაც მათ უნდათ. თუ ასე არ იქნება
ძალიან ცუდი რძალი ვიქნებით და მეზობელთანაც თავისუფლად
შეიძლება რძალზე ამის თქმა... ასერომ გოგონებო სანამ ნაბიჯს გადადგავთ დაფიქრდით, გინდათ რომ შინაგანად მოკვდეთ?! მხოლოდ იმისთვის შეძლებთ თავის გაწირვას რომ საყვარელ ადამიანთან იყოთ?! იქნებ ჯობია ცოტა მოიცადოთ და მაშინ გათხოვდეთ როცა სულ ცოტა 1 ხელფასს მაინც აიღებთ ერთხელ მაინც გმოთვრებით დაქალებთან ერთად ერთხელ მაინც იბოდიალებთ მარტოდმარტო მთვარის შუქზე და ბოლოსდაბოლოს მიხვდებით რომ უკვე გაიზარდეთ და თქვენს თავზე ზრუნვა თქვენთვითონ შეგეძლაბათ!
