13 ნოემბერს საქართველოს 19-წლამდელთა ნაკრებმა 2014 წლის ევროპის ჩემპიონატის შესარჩევ ჯგუფში პირველი შეხვედრა უელსელ თანატოლებთან გამართა და გამანადგურებელი ანგარიშით, 5:1 გაიმარჯვა.

მიხეილ მესხის სახელობის სტადიონზე გამართულ შეხვედრაში ვასილ მაისურაძის შეგირდებმა მეტოქე ყველა კომპონენტში დაჩაგრეს და 5 ლამაზი გოლი გაიტანეს.

სტუმრებმა მხოლოდ ერთი ბურთის გატანა შეძლეს - 84-ე წუთზე საჯარიმოდან ო'სალივანმა გაიტანა და საბოლოო ანგარიში აქ დაფიქსირდა - 5:1.