გენუის მონუმენტური სასაფლაო “სტალენო" –ევროპაში ერთ-ერთი უდიდესი და ულამაზესია, რომელიც მწვანე მთის ბორცვზე მდებარეობს. იგი ნამდვილი მუზეუმია ღია ცის ქვეშ. აქაური კარარის მარმარილოს ქანდაკებები ძალიან მიმზიდველია თავისი მწუხარე სილამაზით, ისინი ადამიანს უნებლიედ დააფიქრებენ ცხოვრების ტრაგიკულობასა და სწრაფად წარმავალობაზე.

მთელ მსოფლიოში განთქმული სასაფლაო–კამპო-სანტო ანუ სტალენო გაიხსნა 1851 წელს.

მონუმენტალური სასაფლაო “სტალენო" ნეოკლასიკურ არქიტექტურულ სტილს მოიცავს და ხმელთაშუაზღვის ჩრდილოეთ ევროპის ტრადიციებს იმეორებს.

სასაფლაოზე გენუის ყველა ცნობილი ადამიანია დაკრძალული.

იგი ითვლება ყველაზე საინტერესო სასაფლაოდ იტალიაში. “სტალენო" განთქმულია თავისი ამფითეატრით, უწყვეტი მემკვიდრეობის ძეგლებითა და პატარა ხეებით.

ძველი სასაფლაო მრავალ ტურისტს იზიდავს, რომლებიც გენუას სტუმრობენ. იგი დამთვალიერებლებისათვის გაღებულია ყოველ დღე 07-30, 17-00 სთ-მდე.

იგი თავისი სილამაზით არ ჩამოუვარდება ასევე განთქმულ “პერ-ლაშეზის" სასაფლაოს პარიზში და “რეკოლეტა"-ს ბუენოს-აირესში.