დღეს, საქართველოს დროით 23საათზე, მადრიდის რეალი ბეტისთან ლა ლიგის პირველ მატჩს ჩაატარებს .ახალი მწვრთნელი, რამდენიმე ახალი ფეხბურთელი და დიდი იმედები, რომ წელს რეალი შეძლებს დაამტკიცოს, რომ ის ნომერ პირველია. დებიუტი აქვს ლა ლიგაში მწვრთნელს კარლო ანჩელოტს, მან პრესკომფერენცია გამართა და ბევრ მნიშვნელოვან დეტალზე ისაუბრა. აღნიშნა, რომ რეალი არის გუნდი, რომლისგანაც არ ელოდებიან მხოლოდ შედეგს, მისგან ელიან სანახაობას და სწორედ ესეთ სეზონს პირდება კარლო რეალის და არა მარტო რეალის გულშემატკივარს.მას გამარჯვებით სურს დაიწყოს სეზონი : ''მადრიდის ''რეალში '' საკმარისი არ არის გამარჯვება, შენ უნდა აჩვენო სანახაობა, რომელიც მოხიბლავს გულშემატკივარს. გუნდი კარგად გაისარჯა და საკმაოდ მაღალი სათამაშო დონეც აჩვენა წინასასეზონო სამზადისზე, იმედი მაქვს ანალოგიურად ვითამაშებთ ''ბეტისთანაც'' და ასევე მთლიან სეზონში. ბერნაბეუზე ჩემი დებიუტი განსაკუთრებული მომენტი იქნება ჩემს ცხოვრებაში, ეს სტადიონი სარკეა სრულიად გუნდისა. თუ ფეხბურთელები კარგად თამაშობენ ეს სტადიონზეც აისახება და გულშემატკივარი დიდი ზემის მხილველი ხდება. ეს ატმოსფერო ენით აღუწერელია, ეს უნდა შეიგრძნო.''

გუნდში მოხდა ნომრების გადანაწილება და აღმოჩნდა რომ 11ნომერი თავისუფალია. გულშემატკივრები თვლიან რომ ამ მაისურს ბეილს უნახავენ .პრესკომფერენციაზე ანჩელოტმა ამაზეც გააკეთა კომენტარი და აღნიშნა: "თქვენ გაინტერესებთ, რატომ არის 11 ნომერი თავისუფალი? მე კი მარტივი პასუხი მაქვს. ეს მაისური არავის მოუთხოვია, ამიტომაც არის ვაკანტური."