კარგი სათვალე, ეს ის აქსესუარია, რომელიც ნებისმიერი სტილის ჩაცმულობას
უხდება, ამასთან ერთად მისი მეშვეობით შეგვიძლია
შევიქმნათ კომფორტული და „გლამურული“ იმიჯი, მაშინაც კი, როცა სახლიდან სიჩქარეში,
უმაკიაჟოდ ან მეტ-ნაკლებად ფორმაში „ვერმყოფი“
გამოვრბივართ ხოლმე საქმეებზე საბოდიალოდ. აქედან გამომდინარე, საინტერესო იქნება გადავხედოთ
თუ როგორი სტილის და ფორმის სათვალეების ტარებას გვთავაზობენ ამ სეზონზე დიზაინერები.
ერთერი ყველაზე აქტუალური და მოდური სტილი, რომლის ტარებასაც
დიზაინერები ამ ზაფხულს გვირჩევე
ნ, არის ე.წ „კატის თვალები“, რომელიც გასული საუკუნის
რეტრო-მოდური ტენდენციების გამოძახილია.
მინდა გითხრათ, რომ ამგვარი სტილის სათვალეების
სხვადასხვა ინტერპრეტაცია იქნება წლევანდელ წელს აქტუალური, დაწყებული მისი გამოკვეთილი,
აგრესიული ფორმით (მუქი ჩარჩო, გამჭვირვალე ან ნახევრადგამჭვირვალე შუშები) დასრულებული
შედარებით რბილი, გლამურული ვარიანტით.
არანაკლებ მოდური იქნება წელს სათვალეები, რომელსაც
სქელი მუქი ჩარჩო (სასურველია შავი) და ოვალური, ან ოთხკუთხა ფორმა აქვს. მინები კი
აფსოლუტურად გამჭვირვალე. ასეთი სტილის სათვალეები,
ზოგიერთი დიზაინერის კოლექციაში ჭრელი ჩარჩოებითაც გვხვდება.
