„შვილო, ქართულად ილაპარაკე თუ რუსული არ იცი. შემრცხვა... ან თარჯიმანი დაიქირავე, ნახევარი „ტუფლის" ფულიც არ დაგიჯდება." ეს რჩევა და კომენტარი ია ფარულავას ეკუთვნის, ადრესატი კი ანუკი არეშიძეა!

საქმე იმაშია რომ ამ რამოდენიმე თვის წინ, ერთ-ერთმა უკრაინულმა არხმა, ანუკი არეშიძესთან ინტერვიუ ჩაწერა. მაშინ მინისტრის მეუღლის რუსული, დიდი ხანი, განხილვის საგნად იქცა თბილისში. ვიდეოში კარგად ჩანს, რომ არეშიძემ რუსული ენა არ იცის, მაგრამ ამის მიუხედავად, ჟურნალისტთან თარჯიმანის გარეშე საუბრობს!

ია ფარულავას კრიტიკა, კრიტიკის ობიექტს უპასუხოდ არ დაუტოვებია...

"ფეისბუკ გაბაასება" ახლა ძალიან მოდურია და ანუკი არეშიძემაც ფარულავას პასუხად, ეს "უსტარი დაუპოსტა":

"ძალიან, ძალიან ბევრს ვმუშაობ, რომ მალე როდესაც საზოგადოება ჩემს პირველ და დამოუკიდებელ კოლექციას იხილავს, ძალიან კმაყოფილი და მოხიბლული იყოს.... მილიარდი საქმე მაქვს კიევში, თბილისში და თქვენ კიდევ ია ფარულავაო... გაუმარჯოს ღმერთმა და სიკეთე მისცეს, სიკეთე!"

როგორც ჩანს, ფარულავამ ისეთი დაუვიწყარი შოკი მიიღო, არეშიძის რუსულისგან, რომ მას შემდეგ რუსულის გაგონებაზე, სულ მინისტრის მეუღლე ახსენდება.

და არა მხოლოდ ის...

მსახიობი, მედვედევთან ინტერვიუს შემდეგ, დღეს უკვე ჟურნალისტ ნინო შუბლაძესაც ურჩევს, რუსული ენის შესწავლას:

„მოკლედ, რუსული ენა ასწავლეთ ბავშვებს. თქვენც კარგად გაიხსენეთ, მეც აღვიდგენ. (ინგლისურის ფონზე დამავიწყდა ცოტა). ანუკი არეშიძეც დაიქირავებს კარგ მასწავლებელს... დაგვჭირდება" - წერს ია ფარულავა ფეისბუკის გვერდზე.

p.s. ამ შემთხვევაში ძნელია არ დაეთანხმო ქალბატონ ფარულავას, დროა უკვე გადმოვიღოთ თაროდან, მივიწყებული და დამტვერილი "სლავა საჩიტანიე" და რუსული, ქართულად მაინც ვისწავლოთ ...

– ტი ტოლკა კუშატ ლუბიშ და?!

– ა კტო ონ ტაკოი, ეტა პაწერპევშიიი?

ცნობილი კადრი ახლო წარსულიდან. შიდა ქართლის ყოფილი გუბერნატორი, მიხეილ ქარელი, რუსულად "ჩხუბობს":

– დავაი ტანკ ნაზატ!

ბოლოს და ბოლოს;

"ბიჭო, რუსულის სწავლას რა უნდა, მთელი რუსეთი რუსულად ლაპარაკობს"!

თანაც რა იცით ბიჭებო, როდის დაგჭირდეთ რუსულის ენის ცოდნა?!