ბრიტანელების ცხოვრებაში ყველაზე ბედნიერი პერიოდი პენსიაზე გასვლის ასაკი აღმოჩნდა: 65 წელს ზევით მამაკაცებისთვის ბედნიერების მაჩვენებელი 7, 8 ქულა დაფიქსირდა, იმავე ასაკის ქალისთვის კი - 7, 65 ქულა. ბედნიერების მაღალი მაჩვენებელი, კერძოდ - 7.55, ჰქონდათ იმ გოგონებს, რომელთაც 20 წელი ახლახან შესრულებოდათ.

სქესისა და ასაკის გარდა, თვისთშეფასების დონეების განსაზღვრისას მნიშვნელოვან ფაქტორად მიიჩნეოდა, ჰქონდა თუ არა ადამიანს სამსახური და იყო თუ არა ჯანმრთელი. უმუშევარი და ინვალიდი მოქალაქეების მაჩვენებელი, რა თქმა უნდა, დაბალი იყო: 6.3 და 5.9 ქულა.

გამოკითხვამ ისიც ცხადყო, რომ მამკაცები უფრო მშვიდნი არიან, ვიდრე ქალები. კითხვაზე: "ხშირად ღელავთ თუ არა” დადებითად ქალების 45-მა პროცენტმა და მამაკაცების 30-მა პროცენტმა უპასუხა.

P.S. საინტერესოა, როგორი იქნებოდა ბედნიერების მაჩვენებელი ჩვენს ქვეყანაში და რომელი ასაკი ჩაითვლებოდა უბედნიერესად...