ამ სტატიში შემოგთავაზებთ საზმთროსგან ტორტის გამოთლის საინტერესო გზას. მთავარია გქონდეთ მოზრდილი მწიფე საზამთრო, მჭრელი დანა (სასურველია წვეტიანი) და ნებისყოფა. ქვემოთ მოვიყვანთ მოქმედების ნაბიჯ-ნაბიჯ ამსახველ ფოტოებს. უბრალოდ მიყევით ინსტრუქციებს და ნუ დანებდებით.

1. კარგად გარეცხილ საზამთროს ერთ გვერდზე კანს მოვაცლით, როგორც ეს ფოტოებზეა ნაჩვენები.

2. შუაში წვეტიანი ბასრი დანით ამოვჭრათ წრე და შევეცადოთ კიდეები გავაგანიეროთ.

3. ვიწყებთ ვარდის ფურცლების ამოჭრას, ზუსტად ისე, როგორც ფოტოზეა ნაჩვენები.

4. შემდეგ ვაკეთებთ მცირე ჩაღრმავებას, საიდანაც ვიწყებთ ფურცლების მეორე რიგის გამოჭრას. ამ რიგის ფურცლები უფრო გახსნილი უნდა იყოს, ვიდრე პირველის.

5. მესამე და შემდეგი რიგის ფურცლები კიდევ უფრო ღია იქნება.

6. შემოვაჭრათ მწვანე კანი დეკორატიულად და გავაფორმოთ ჩვენი "შედევრი".

7. მოვაჭრათ ქვედა ნაწილი, მოვათავსოთ საზამთრო-ტორტი ლანგარზე და მივართვათ "გაოცებულ" სტუმრებს.

სცადეთ და არ დანებდეთ, ბოლოს და ბოლოს საზამთროს ნებისმიერ შემთხვევაში მიირთმევთ!