''წყალქვეშა'' ფოტო კონკურსმა გამარჯვებული მოყვარული ფოტოგრაფები გამოავლინა. მათ წყალქვეშ უნდა გადაეღოთ ისეთი ფოტოები, რომლებიც მაქსიმალურად ცოცხალი და განსხვავებული იქნებოდა.

პირველი ადგილი სტივენ კოვაკსმა დაიკავა, რომელიც ფლორიდის შტატიდანაა. ფოტოზე ღამით მოცურავე ზღვის ლომია გამოსახული. ფოტო გადაღებულია ჰონდურასში.

მეორე ადგილი კი იტალიელმა მარსელო დიფრანსესკომ დაიკავა. მარსელომ ფილიპინებში, მალაპასკუას კინძულთან ახლოს დააფიქსირა ე.წ ლურჯბეჭდიანი რვაფეხა და საკმაოდ საინტერესო ფოტო შემოგვთაზა.

მესამე ადგილი კი ისევ ფლორიდელი ჯუდი ტაურისენდის გადაღებულმა ფოტომ დაიკავა. კადრი საკმაოდ ახლო მანძილიდანაა და ეს სურათს უფრო უნიკალურს ხდის. ფოტო რივიერას სანაპიროზეა გადაღებული.

ასევე პირველი ადგილი დაიკავა ბრიტანელი ალექს ტიტერსალის ზღვის ლომმა. ფოტო წითელ ზღვაშია გადაღებული.

პირველი ადგილი დაიკავა ბეტი უოტსონმა მისურის შტატიდან. მან პუერტო გალერას სანაპიროზე (ფილიპინები) ზღვის ანემონი დააფიქსირა.

ასევე გამოვლინდა კიდევ ერთი მეორე ადგილის მფლობელი დუგლას გუდი პენსილვანიის შტატიდან. მის ფოტოზე გამოსახულია ''იმპერატორი კრევეტი''. ფოტო გადაღებულია დინას სანაპიროზე (პაპუა ახალი გვინეა).

საპრიზო ადგილზე არ გასულა თუმცა დიდი მოწონება დაიმსახურა (ვფიქრობ, ამ ფოტოს ეკუთვნოდა პირველი თუ არა მეორე ადგილი მაინც) სტუდენტის ლაურა როკის გოლიათი ზღვის ქორჭილა.