2004 წელს ირანელმა მამაკაცმა ირანელ გოგონას ამენე ბაჰრამის ხელი სთხოვა, რაზეც გოგონასგან უარი მიიღო. უარის გამო გაბრაზებულმა საყვარელ ქალს თვალში მჟავა შეასხა. ამის შემდეგ ამენემ 19 ოპერაცია გადაიტანა და მხედველობასთან ერთად სახის ფორმაც დაკარგა.

სასამართლომ მამაკაცს თავისუფლების აღკვეთა შეუფარდა, თუმცა ამენემ მოითხოვა, რომ ის კაციც ისე უნდა დატანჯულიყო, როგორც თვითონ დაიტანჯა თვალის გამო. ირანის სასამართლომ დაზარალებულის მოთხოვნა დააკმაყოფილა და გადაწყდა, რომ ბრალდებულს თვალში მჟავას თავად დაზარალებული შეუყვანდა. თუმცა ამენემ ამის გაკეთება ვერ შეძლო და საბოლოოდ შურისძიებაზე უარი თქვა.