საპატრიარქო სასულიერო პირებისთვის მღვდელმსახურების შეჩერების საკითხზე ბრალის დამტკიცების შემთხვევაში იმსჯელებს
- საპატრიარქო სასულიერო პირებისთვის საეკლესიო სასჯელთან
დაკავშირებით გადაწყვეტილებას იმის მიხედვით გამოიტანს, თუ რა
სახის ბრალეულობა დაუმტკიცდებათ მათ. ამის შესახებ სასულიერო
სემინარიის რექტორმა, გიორგი ზვიადაძემ განაცხადა ტელეკომპანია
"იმედთან" საუბრისას. მისი თქმით საკითხთან დაკავშირებით მსჯელობა ფაქტების შესწავლისა და გამოკვლევის შემდეგ მოხდება. 17 მაისის მოვლენებთან დაკავშირებით, არქიმანდრიტ ანთიმოზ ბიჩინაშვილსა და იოთამ ბასილაიას
სამართალდამცველებმა ბრალი 23 მაისს წაუყენეს. გამოძიება შეკრებისა და მანიფესტაციის უფლების ხელყოფის უკანონო და ძალადობით ხელის შეშლის ფაქტებზე მიმდინარეობს.