თამარ ჩერგოლეიშვილი ჟურნალ "ტაბულას" რედაქტორი და გიგა ბოკერიას მეუღლე გახლავთ. მისგან ყველანი შეჩვეული ვართ "ერთიანი ნაციონალური მოძრაობის" დაცვასა და "ქართული ოცნების" გაკიცხვას. როგორც გაირკვა დღეს პრეზიდენტმა ჟურნალისტი ძალიან გაანაწყენა, საქმე ეხება პრეზიდენტის პასუხს 17 მაისის აქციის დარბევის თემაზე. "რამდენად გამართლებული იყო პატარა ჯგუფის მიერ რაღაც აქციის გამართვა იქ, სადაც მახლობლად წინა დღეს მიდიოდა ავღანეთში დაღუპული ჯარისკაცების ცერემონია"-სწორედ პრეზიდენტის ამ სიტყვებმა გააცეცხლა ქალბატონი თამარი. ის "ფეისბუქის" საკუთარ გვერდზე წერს: "პრეზიდენტო, თქვენ წუწკი ხართ და გარდა იმისა, რომ წუწკი ხართ ინსტიქტებიც დაგჩლუნგებიათ. ვერ ხვდებით, რომ ეს განცხადება ხელისუფლებაში ვერ დაგაბრუნებთ! თუ ნაციონალური მოძრაობა არ გაემიჯნება პრეზიდენტის კატასტროფულ განცხადებას ლგბტ თემის აქციის თაობაზე, მე ნაციონალური მოძრაობის მხარდაჭერად აღარ განმიხილოთ. შეიძლება ფიქრობთ, რომ ბევრი არაფერი დაკარგეთ, ერთი მარგინალი სომეხი ჰომოსექსუალი ვარ. მაგრამ მგონია, რომ ცდებით".

ეს ყველაფერი როდია, ჩერგოლეიშვილმა კიდევ ერთი სკანდალური და ჩვენთვის მოულოდნელი განცხადებაც გააკეთა: "17 მაისის შეფასება, ვერბალურ დონეზე, ივანიშვილისა ჯობდა სააკაშვილისას. ცოტა არ იყოს, გამიკვირდა. მაგრამ, როგორც ჩანს, კიდევ ბევრი რაღაც გაგვიკვირდება. ამ ვითარებაში ცარიელი შეფასებები ნამდვილად არაფრისმქთმელია, მაგრამ ივანიშვილმა დღეს ისე შეაფასა 17 მაისი, როგორც ამას სააკაშვილისგან ელოდნენ და სააკაშვილმა ის თქვა, რასაც ივანიშვილი გვეგონა, იტყოდა".