ელენე ყიფშიძის შვილიშვილი და ზურა ყიფშიძის შვილი მსახიობი რომ არ გამოსულიყო, ის იქნებოდა გასაკვირი. გიორგი ყიფშიძე დიდი ხანია მამის ჩრდილისგან განთავისუფლდა და ახლა მას მოიხსენიებენ, როგორც გიორგის და არა როგორც ზურას შვილს. იგი შესანიშნავი მსახიობია. არის თეატრისა და კინოს მსახიობი. სახასიათო როლები აქვს შესრულებული თეატრშიც და კინოშიც. იგი განსაკუთრებით პოპულარული გახდა ტელესერიალიდან "ცხელი ძაღლი" და ახლა მისმა პოპულარობამ პიკს მიაღწია, მას შემდეგ რაც მონაწილეობს ქართულ სერიალში "ჩემი ცოლის დაქალები", ვერსკის როლში.

როგორც იცით, მისი პირველი მეუღლე იყო მოდელი კრისტი ყიფშიძე, რომელიც თავისი დის, ლენუკას მეგობარი იყო. გიორგიმ იგი მოიტაცა და მათ ყავთ საერთო შვილი, ნატაშკა. მაგრამ მათი ოჯახი მალე დაინგრა, თუმცა ისინი ოფიციალურად არ არიან გაყრილნი. კრისტი მათი დაშორების მიზეზად იმას აღნიშნავს, რომ მას გიორგი არ უყვარდა. მაგრამ არსებობდა თურმე სხვა მიზეზიც, ეს იყო ქალი ანუ მსახიობი ია სუხიტაშვილი, რომელთანაც გირგი სერიალ "ცხელ ძაღლში" ერთად მონაწილეობდა. ერთ-ერთ ძველ ინტერვიუში იამ აღნიშნა:

"ყველამ კარგად იცის, რომ ჩვენი ურთიერთობის ნიადაგზე დაინგრა მისი ოჯახი. გიორგი ჩემი პირველი სიყვარულია. ეს იცოდა მთელმა თბილისმა და ამას არ ვმალავდით. გვქონდა ძალიან კარგი სიყვარულის ისტორია, რომელიც ყოველთვის ძალიან კარგად გამახსენდება. გიორგიმ მერე მითხრა, რომ ამასთან დაკავშირებით დასამალი არაფერი ჰქონდა."

ეს ყველაფერი კი 13 წლის წინ მოხდა და ახლა ამაზე საუბარი არ ღირს. მაგრამ წლების წინ მათი სასიყვარულო ისტორია დიდი მითქმა-მოთქმის საბაბი იყო.

ახლა კი გიორგის ყავს შესანიშნავი მეუღლე, მხატვარი ანი ჩიკვილაძე, რომელთანაც მას ყავს პატარა ბიჭუნა, ალექსანდრე. ალექსანდრე უკვე ერთი წლისაა. წყვილს ძალიან უყვართ ერთმანეთი და ბედნიერი ოჯახიც აქვთ.

ახლა კი გთავაზობთ გიორგის და ანის პირად ფოტოებს.