- როგორი ამინდია?

- იდეალური !

დღეს წვიმს, ხან ცრის, ხან

სიხშირეს უმატებს, მთელი დღე საღამოს გავს, სასიამოვნო სიგრილეა და რომანტიული წკაპა-წკუპი შეყვარებულთა ამინდად აქცევს.

დღეს მზეა, გენიალურია. მზის სხივები ირგვლივ ყველაფერს ათბობს და ანათებს, სიცოცხლეს ბერავს, ფერების ნამდვილი ამბოხია. ჩრდილი ნეტარება.

ქარია?! სასიამოვნო სიო ტანში რომ ჟრუანტელი გივლის თუ ძლიერი ქარი?!

ხეებს და ტყეს ზღვასავით რომ ააბობოქრებს, ფოთლები ლამაზ, აუხსნელ მოძრაობებს აკეთებს.

თოვს?! სითეთრე, სისპეტაკე, სუსხი გარეთ და სითბო შიგნით. თითქოს ყველას პატიოსნების გამოცდას უწყობს. ვინ შერყვნის პირველი სპეტაკ ჯერაც უბიწო თოვლს?!

როგორი ამინდია? იდეალური !