რობენი: "ჩვენ უნდა ვიამაყოთ საკუთარი თავით"

"ბაიერნის" ჰოლანდიელი ნახევარმცველი, არიენ რობენი ვერ მალავს თავის ემოციებს, "ბარსელონასთან" მოგებული შეხვედრის შემდეგ, სადაც კარგად მოგეხსენებათ, კატალონიელები ანგარიშით 4-0 დამარცხდნენ.

შეგახსენებთ, რომ მატჩი "ალიანც არენაზე" გაიმართა და მასპინძლებმა მეტოქეს ოთხი უპასუხო ბურთი გაუტანეს. ანგარიში 25-ე წუთზე მიულერმა გახსნა, ხოლო მეორე ტაიმის 49-ე წუთზე მარიო გომესმა ორამდე გაზარდა ანგარიში. 73-ე წუთზე რობენმა მესამედ აიღო ვიქტორ ვალდესის კარი. საბოლოო ანგარიში კი ტაბლოზე 82-ე წუთზე თომას მიულერმა დააფიქსირა.

"ჩვენ შეგვიძლია ვიამაყოთ საკუთარი თავით. "ბარსელონა" უკვე 5 წელია დომინირებს მსოფლიო ფეხბურთში. ვფიქრობ ჩვენ ასეთი გუნდის წინააღმდეგ გამარჯვებით უნდა ვიამაყოთ. დღეს ჩვენ საოცარი თამაში ჩავატარეთ, მეტოქეს არანაირი შანსი არ დავუტოვეთ და თავისუფლად არაფრის გაკეთების საშუალება არ მივეცით. ჩვენ დავიმსახურეთ ეს გამარჯვება." - ციტირებს რობენის სიტყვებს უცხოური მედია.

შეგახსენებთ ასევე იმასაც, რომ საპასუხო შეხვედრა "ბარსელონასა" და "ბაიერნს" შორის, 1 მაისს, "კამპ ნოუზე" გაიმართება.