ოპოზიციის აქციის დასრულების შემდეგ geotimes.ge-მ ახალ ეროვნულ მოძრაობად გამოცხადებულ, ძველი პოლიტიკური გუნდის წევრებს აქცია შეფასებინა:

გიორგი ვაშაძე: „ხედავთ, რომ მოვიდა უამრავი ადამიანი, მე ძალიან გამიჭირდა დათვლა, სადაც ჩემი თვალი მისწვდა სავსე იყო ხალხით, ალბათ ასი ათასამდე ადამიანი იქნებოდა. ძალიან ბევრი, ათიათასობით ადამიანი მოვიდა ერთადერთი რამისთვის, ვიწყებთ ახალ ეროვნულ მოძრაობას, რაც ჩვენ ყველას გაგვაერთიანებს".

ნუგზარ წიკლაური: „ეს აქცია იყო ერთ-ერთი ყველაზე უფრო მასშტაბური გამოვლინება ხალხის ნების. ჩვენ უკვე დავიწყებთ ცალკე ბიუროების შექმნას, ცალკე წინააღმდეგობის მოძრაობის შექმნას და არავითარ შემთხვევაში არ დავუშვებთ, რომ საქართველომ გადაუხვიოს არჩეულ გზას. მე მგონი რუსთაველზე გამოსულმა ხალხმა უკვე ყველაფერი თქვა.

თამარ ჩერგოლეიშვილი: „ვფიქრობ ამ აქციამ აჩვენა, რომ საქართველოში არსებობს ძლიერი ოპოზიცია, რომელიც უპასუხისმგებლოდ არ მოიქცევა"
კითხვაზე შეძლებს თუ არა ეროვნული მოძრაობა ხელისუფლებაში კვლავ მოსვლას, თამარ ჩელგოლეიშვილმა შემდეგი სიტყვებით უპასუხა: „ცხადია, რომ შეძლებს"!
მაკა დეკანოსიძე, geotimes.ge