ცოტა ხნის წინ გავრცელდა ინფორმაცია რუსი ოლიგარქის რომან აბრამოვიჩის დაკავების შესახებ. ინფორმაციას რუსული სააგენტო "ებრეკა" ადასტურებს და შესაბამისად უარყოფს ოლიგარქის წარმომადგენელი ჯონ მანი.როგორც რუსული მედია გვატყობინებს, ამერიკის შეერთებულ შტატებში ფედერალური საგამოძიებო ბიუროს თანამშრომელთა მიერ მოხდა ბიზნესმენის დაკავება, რასაც არ ადასტურებენ ფედერალების შტაბში.

იგივე წყაროზე დაყრდნობით, ზუსტად არ არის ცნობილი თუ რა მიზეზით მოხდა ცნობილი ბიზნესმენის დაკავება.არსებობს ორი ვერსია აღნიშნულ საკითხთან დაკავშირებით.პირველი ვერსიით, მისი დაკავება რუსი ოლიგარქის ბორის ბერეზოვსკის გარდაცვალებას უკავშირდება, ხოლო მეორე ვერსიით ამერიკის ფედერალური ბიურო დაინტერესებული იყო აბრამოვიჩის ქონებით და ეს არის მიზეზი მისი დაკავებისა.

როგორც ცნობილია, 2012 წელს რომან აბრამოვიჩმა ლონდონში აწ.გარდაცვლილ ოლიგარქს ბერეზოვსკის "საუკუნის დავა" მოუგო.დავის მიზეზი კი უმსხვილესი რუსული აქტივები იყო, რომელიც ჯერ კიდევ 2004 წლიდან პატარკაციშვილმა და ბერეზოვსკიმ ძალიან იაფად ერთად მიყიდეს აბრამოვიჩს, რასაც სწორედ ის "საუკუნის დავა" მოჰყვა.ირკვევა, რომ სამივე მილიარდელი ოლიგარქი თავიანთი ბიზნეს საქმიანობით ერთ მსხვილ ჯაჭვს წარმოადგენდნენ.

ბორის ბერეზოვსკის ადვოკატი დარწმუნებული საუბრობს რომან აბრამოვიჩის დაკავების ფაქტზე და აცხადებს, რომ მისი დაკავება დიდი ოდენობით ფულის გათეთრებას უკავშირდება.საზოგადოებისათვის კარგადაა ცნობილი, რომ აბრამოვიჩი პუტინთან დაახლოებული პირი იყო, რაც კიდევ უფრო ამძაფრებს გავრცელებულ ჭორებს აწ.გარდაცვლილი ბერეზოვსკის მკვლელობის გარშემო.