თავდაცვის მინისტრ ირაკლი ალასანიაზე თავდასხმა უკვე ვეღარც კი ვითვლით მერამდენედ ხორციელდება.თავდასხმის ობიექტი ის ჯერ კიდევ თებერვლის თვეში გახდა, როცა ევროპაში ოფიციალურად დაგეგმილ შეხვედრებზე ორი დღით ადრე დაეთხოვა პრემიერს და მოულოდნელად დუბაიში აღმოჩნდა "ნაც.მოძრაობის"ცნობილი სახეების მეუღლეთა გარემოცვაში.როგორც სხვადასხვა წყაროები გვაუწყებენ, თავდაცვის მინისტრი დუბაიში თითქოს სააკაშვილსაც შეხვდა, რაც შეუმჩნეველი არ დარჩენიათ ქვეყნის პირველ პირებს და უარყოფითმა რეაქციამაც პრემიერის მხრიდან არ

დააყოვნა.ინფორმაციის გაჟონვიდან სულ მოკლე დროში სასწრაფოდ იქნა მიღებული სადამსჯელო ზომები და ირაკლი ალასანია დასჯის მიზნით გათავისუფლებული იქნა ვიცე-პრემიერის თანამდებობიდან.

არაადეკვატურად აფასებენ ხელისუფლების პოლიტიკური ოპონენტები პრემიერის მიერ გაკეთებულ არაერთ განცხადებას თავდაცვის მინისტრ ირაკლი ალასანიაზე. "ნაც.მოძრაობის"აქტიური სახე ჩიორა თაქთაქიშვილი აცხადებს:"პრემიერი ივანიშვილი იმის გარჩევით არის დაკავებული, ვინ ვისთან და სად დადის."...

ალასანიას აღმოსავლურ ვოიაჟზე პრემიერმა პრესკონფერენციაზეც კი იხუმრა და თანაგუნდელებს ოჯახის სიწმინდის პრიორიტეტები შეახსენა თავის გამოსვლაში.

ალასანიას ირგვლის ატეხილი სკანდალი ჯერ კიდევ არ ჰქონდა საზოგადოებას მივიწყებული, რომ ახალი ბრალდებები გაისმა მისი მისამართით.ამჯერად კი თავდასხმა თავდაცვის ყოფილმა მინისტრმა ირაკლი ოქრუაშვილმა განახორციელა ერთ-ერთ სატელევიზიო ინტერვიუში., სადაც მან ბრალი დასდო ალასანიას უწყებას უკანონო მოსმენებში, კონკრეტულად თავდაცვის სამინისტროს ერთ-ერთ დეპარტამენტს, რომელიც ვირუსებს აგზავნიდა ოქრუაშვილის კომპიუტერზე და ასე ახერხებდნენ მის მოსმენებს.

როგორ დასრულდება ირაკლი ალასანიას გარშემო ატეხილი მითქმა-მოთქმა, გააგრძელებენ თუ შეწყვეტენ მის წინააღმდეგ დაწყებულ პოლიტიკურ ომს მისივე თანაგუნდელები, გამოყენებული იქნება თუ არა მის მიმართ კიდევ რაიმე სახის სადამსჯელო ოპერაცია?სწორედ ეს არის ის კითხვები, რომელიც საზოგადოებას დაუგროვდა ბოლოდროს განვითარებული პროცესების ირგვლივ.