გიორგი ფოჩხუას ცხედარი ანაკლიაში ზღვამ, 14 ივლისს, გამორიყა. ამ დოისათვის არსებული ინფორმაციით, ფოჩხუას საქმეზე დაკავებულია ბექა ცობეხია და მისი მეგობარი, პოლიციის თანამშრომელი ნიკოლოზ ბაძაღუაც. გავრცელებული ინფორმაციით, ბექა ცობეხიამ პოლიციას განუცხადა, რომ გარდაცვლილი შემოაკვდა, რის შემდეგაც კვალის დამალვას შეეცადა, ტანზე გახადა და ზღვაში გადააგდო.
დღეს, გიორგი ფოჩხუას დამ - ელენე ფოჩხუამ „პრაიმთაიმის“
პრეს-კლუბში განაცხადა, რომ მისი ძმის მკვლელობის ახალი დეტალები გახმაურდა და მასთან
დაკავშირებით ინფორმაციას ფლობს. იგი პროკურატურას მიმართავს და საქმის ხელახალ გამოძიებას
მოითხოვს. მისი თქმით, გიორგი ფოჩხუა მოკლულია მაღალჩინოსნების მიერ, რადგან იგი თავის
ფოტოაპარატში მათ პიკანტურ ფოტოებს ფლობდა.

ელენე ფოჩხუა ბოლომდე არ ახმაურებს დეტალებს, თუმცა მზად
არის ითანამშრომლოს გამოძიებასთან.

დღევანდლამდე, სანამ ელენე დაადასტურებდა ამ ინფორმაციას, კულუარებში
მაინც გავრცელდა ხმები, რომ გიორგი ფოჩხუას გადაღებული ჰქონდა ვიდეო და სურათები, სადაც მიხეილ
სააკაშვილის მოგზაურობა და მისი გართობა იყო ასახული ანაკლიში.

საინტერესოა, მიეწერება თუ არა ეს საქმეც პრეზიდენტს
და სად იყვნენ აქამდე გიორგის ოჯახის წევრები, რის გამო დუმდნენ. ნამდვილად ეხლა გაიგეს
ეს ინფორმაცია თუ მათზე ზეწოლა ხორციელდებოდა. იმედია, ამ ყველაფერს გამოძიება დაადგენს.