ბავშვის აღზრდისათვის დიდი მნიშვნელობა აქ კვებისა და დღის რეჟიმს. მოძრავი და ფიზიკურად კარგად განვითარებული ბავშვები გაცილებით, უკეთ ჭამენ. ბავშვის უმადობას ყველა მშობელი მტკივნეულად განიცდის, ამიტომ აუცილებელია ბავშვი მივაჩვიოთ კვების რეჟიმს. განსაკუთრებით ყურადღება უნდა მიექცეს დღის რეჟიმს, რომელსაც დიდი აღმზრდელობითი მნიშვნელობა აქვს. ჰაერი, მზე და წყალი-ჯამრთელობის ძირითადი საშუალებაა. თამაში და სეირნობა სუფთა ჰაერზე ყოველგვარ ამინდში, მზისა და წყლის აბაზანები, ცივი წყლით ან სველი ტილოთი ტანის დაზელა, ძილის წინ ფეხების დაბანა და სხვა ჯამრთელობის აუცილებელი პირობებია.

ბავშვის ორგანიზმი თანდათან უნდა შეეჩვიოს ჰაერს, მზეს, წყალს, სიცივეს, სითბოსა და სხვა. ვარჯიშების ჩატარების შემდეგ დიდი მნიშვნელობა აქვს წყლის პროცედურებს, განსაკუტრებით დილის ტანვარჯიშის შემდეგ.
პირველ ხანებში ბავშვს ოთახის ტემპერატურის წყლში დასველებული ტილოთი უნდა დავუზილოთ მკერდი, კისერი, მკლავები, ზურგის არე და მაშინვე მშრალი პირსახოცით უნდა გავუმშრალოთ კანის ოდნავ აწითლებამდე. ეს პროცედურა სწრაფად უნდა ჩატარდეს. წყლის ტემპერატურა დასაწყისში 30 გრადუსამდე უნდა იყოს, შემდეგ კი ყოველ 4-5 დღეში ტემპერატურის ოდნავ დაწევით 18-20 გრადუსამდე დავიყვანოთ. წყლის პროცედური შემდეგ ბავშვს რამდენიმე მარტივი მოძრაობა უნდა შევასრულებინოთ. წყლის პროცედურის დაწყება სასურველია ზაფხულში. აუცილებელია ექიმის რჩევაც, რადგანაც მთენი რიგი ავადმყოფობის (ციება, გულის დავადება, ფილტვების ანთება და სხვა.) შემდეგ საჭიროა სპეციალური რეჟიმი. სამწუხაროდ, ხშირად თვით მშობლები უწევენ თავიანთ შვილებს "დათვურ სამსახურს", გაციების შიშით ბავშვებს ძალზე ფუთნიან, არიდებენ ჰაერს, წყალს, თამაშს და სხვა.