პომიდორი

გამოკვლევებით დადგინდა, რომ პომიდორი განსაკუთრებით სასარგებლოა თერმული დამუშავების შემდეგ, რადგან ამ დროს მასში შემავალი ერთ-ერთი უძლიერესი ანტიოქსიდანტი, ლიკოპენი ადვილად გამოთავისუფლდება, განსაკუთრებით მცირე რაოდენობის ზეთის დამატების შემთხვევაში. სწორედ ეს ნივთიერება ანიჭებს პომიდორს წითელ ფერს.

თუ ცოცხალი პომიდორი გიყვართ, არც ესაა ცუდი, რადგან C ვიტამინის უზარმაზარი საბადოა.

ისპანახი

სასარგებლოა მხედველობისათვის, შეიცავს რკინას და კარგად მოქმედებს ნერვულ სისტემაზე. ამასთანავე ერთი თეფში ისპანახი მხოლოდ 41 კალორიას შეიცავს, ცხიმს კი - არა.

წითელი ღვინო

დღეში ერთი ბოკალი წითელი ღვინო ძალიან სასარგებლოა გულისათვის და სრულიად საკმარისი ჯანმრთელობისათვის.

თხილეული

თხილეულში შემავალი ცხიმი ჯანმრთელობისათვის სასარგებლო და აუცილებელია. სხვა სიკეთესთან ერთად იგი ანადგურებს ონკოლოგიურ უჯრედებს და გულის დაავადების საუკეთესო პროფილაქტიკაა.

სატაცური

ეს მწვანე საკვები აჩერებს ონკოლოგიურ პროცესს. მისი რეგულარული გამოყენება კარგია ფილტვებისა და კუჭ-ნაწლავის პრობლემების დროს და ასევე პროფილაქტიკისათვის.

შვრია

გამოკვლევებით დადგინდა, რომ შვრია ("ჰერკულესის" ფანტელი) არეგულირებს არტერიულ წნევას და შეუცვლელია ჭარბი წონის დროს.

ორაგული

ამცირებს "ცუდი" ქოლესტერინის დონეს. შეიცავს ცხიმის განსაკუთრებულ სახეობას, "ომეგა-3"-ს, რომელიც იცავს ჩვენი თავის ტვინის უჯრედებს და ავტოიმუნურ სისტემას სხვადასხვა ასაკობრივი დაავადებებისაგან.

ნიორი

მას ბევრი სამკურნალო თვისება გააჩნია: იცავს გულს, ებრძვის ავთვისებიან უჯრედებს და ვირუსებს, ამცირებს ქოლესტერინის დონეს. ამ ყველაფერზე პასუხს უმი ნიორი აგებს.

სამწუხაროდ თერმული დამუშავების შემდეგ იგი კარგავს სამკურნალო თვისებებს. სამაგიეროდ კუჭის ლორწოვან გარსს აღარ აღიზიანებს.

მწვანე ჩაი

ანახლებს სისხლძარღვთა კედლების უჯრედებს, სასარგებლოა გულის, კუჭისა და ღვიძლის ფუნქციონირებისათვის.

ანადგურებს ბაქტერიებს პირის ღრუში და გვიცავს კარიესისაგან.

მოცვი

ანტიოქსიდანტების რაოდენობით ბევრი ხილი და ბოსტნეული მასთან ახლოსაც ვერ მივა. მოცვის მირთმევა ამცირებს გულის დაავადებებათა და კიბოს განვითარების რისკს. ებრძვის შარდსასქესო ორგანოს ინფექციებს. გარდა ამისა არაჩვეულებრივად მოქმედებს ტვინზე და აუმჯობესებს მეხსიერებას.