ნანუკას შოუ დაბრუნდა და მას მალე იხილავს ”რუსთავი 2”-ის მაყურებელი. ნანუკა ჟორჟოლიანი შემოქმედებით ჯგუფთან ერთად მუშაობას დღეიდან შეუდგა. გადაცემის ფორმატი კვლავ უცვლელი და აპოლიტიკურია. ჟორჟოლიანის თქმით, არც სტუდიის გმირები შეცვლილან და მაყურებელი როსტოს და ბუბუს "რუსთავი 2-ის"
ეკრანზეც იხილავს. ნანუკას განცხადებით ის ახალ ცხოვრებას იწყებს, ძალიან მოწყენილი იყო როდესაც მისი გადაცემა დახურული იყო. განახლებული ნანუკა ჟორჟოლიანის შოუს გაცნობა მაყურებელმა ვერ შეძლო „იმედზე“ იმიტომ, რომ სულ რამდენიმე გადაცემა გავიდა. ახალი სეზონიდან შეცვლილი გვქონდა რამდენიმე რუბრიკა, რომელსაც მაყურებელი იანვრიდან უკეთ ნახავს, - ამბობს ჟორჟოლიანი.
მისი თქმით, რუსთავი 2-ის მაყურებელი 2013 წლიდან ნანუკა ჟორჟოლიანის შოუში საქველმოქმედო პროექტებს ნახავს, ახლოდან გაიცნობს ცნობილი ადამიანების ოჯახებს და „ბლიც“ ინტერვიუს მოისმენს. კვირის რომელ დღეს ნახავს მაყურებელი „ნანუკა ჟორჟოლიანის შოუს ჯერ დაზუსტებული არ არის. ნანუკა ჟორჟოლიანმა საავტორო გადაცემა „იმედზე“ მას შემდეგ დახურა, რაც ტელევიზია პატარკაციშვილების ოჯახს გადაეცა. „მე მივიღე გადაწყვეტილება, არხიდან წავიდე. ეს მხოლოდ ადამიანური გადაწყვეტილებაა. შეიძლება დავარქვათ მორალური ვალდებულებაც!“ - წერდა იგი თავის „ფეისბუქის“ გვერდზე.