2011 წლის ზაფხულში არსენალი ფაბრეგასმა დატოვა. გულახდილად, რომ გითხრათ ვფიქრობდი მის გარეშე კლუბს გაუჭირდებოდა. ვენგერმა ნახევარდაცვის გასაძლიერებლად კლუბში არტეტა მოიყვანა, რომელმაც არა გამთამაშებელის ფუნქციები შეითავსა, არამედ ჩამშლელის. დღეს-დღეობით არტეტა შესანიშნავ ჩამშლელად იქცა. იმ დროს კი არტეტას სონგის გვერდით უწევდა თამაში. ამ უკანასკნელმა ერთ წელში შესამჩნევი პროგრესი განიცადა. რა დამავიწყებს მის შესანიშნავ პასებს, მის ტექნიკას და დაცვაში კარგ თამაშს. თუმცა ისიც ბიზნესის გეგმათ იქცა და ზაფხულში ბარსელონას მიჰყიდეს. სონგის სანაცვლოდ ბარსელონამ არსენალს 14 900 000£ გადაუხადა. არსენ ვენგერს აუცილებელად კლუბში ნახევარმცველი უნდა მოეყვანა. მან 11 900 000£ გადაუხადა მალაგას, სანტი კასორლას სანაცვლოდ.
მოკლედ, რომ ვთქვათ ყოველ წელს არსენალის ნახევარდაცვა იცვლებოდა და ამიტომ ძნელია, მათ ბევრი მოვთხოვოთ.

ჯეკ უილშერი

ჯეკ უილშერს დიდი ხანი გაუცდა ტრამვის გამო და სანამ დაბრუნდებოდა, იგი ფაბრეგასის და სონგის გვერდით თამაშობდა. დღეს კი მის გვერდით ახალი ფეხბურთელები მოქმედებენ. ეს თვითონ ჯეკმაც აღნიშნა. მას დრო ჭირდება, რომ ახალ თანაგუნდელებს გაუგოს. ცალკე უილშერი კი უბრალოდ შესანიშნავად მოქმედებს. დაბრუნდა კიდევ უფრო მონდომებული, კიდევ უფრო მებრძოლი. არ არის გასაკვირი, რომ როდესაც ჯეკი მოედანზეა უფრო სანახაობრივი არის არსენალის თამაში. იგი თავისი კარგი დრიბლინგის ხარჯზე არსენალის შეტევებს უფრო ამწვავებს.

მიკელ არტეტა

მიკელ არტეტა პრემიერ ლიგაში ერთ-ერთ საუკეთესო ჩამშლელად მოიაზრება. ძალიან ჭკვინი ფებურთელი. ყოველთვის სწორ პოზიციას არჩევს და ამით დაცვას ეხმარება. ამასთანავე მას შესანიშნავი სტატისტიკა აქვს. პრემიერლიგის 14 მატჩში მან 1104 ზუსტი პასი შეასრულა. არტეტას უკვე სამი საგოლე გადაცემა აქვს შესრულებული და ასევე მან ერთი გოლის გატანაც მოახერხა.

სანტი კასორლა

ბოლო წლებში საუკეთესო შენაძენი არსენალისთვი. სანტი ყველანაირად ერგება არსენალს, არსენალის სათამაშო სტილს. საგულისხმოა, რომ კასორლა არსენალის შემადგენლობაში პირველ სეზონს ატარებს და ის უკვე არსენალის ლიდერათ იქცა. თამაში მას მიყავს. მას არტეტას მსგავსდ სამი საგოლე გადაცემა აქვს შესრულებული. სანტი ასევე გამოირჩევა შორეული დარტყმებით. მას უკვე ოთხი გოლი აქვს გატანილი. უნდა ითქვას, რომ აქედან სამი გოლი ინდივიდუალური ოსტატობის ხარჯზე გაიტანა.

ასევე არ უნდა დაგვავიწყდეს, თუ რა კარგი ფეხბურთელები სხედან სათადარიგო სკამზე. როსიცკი, რომელმაც წინა სეზონზე მე პირადად გამაკვირვა. მისგან ასეთ თამაშს არ მოველოდი. მსურს, რომ მას წელსაც მიეცეს შანსი. აბუ დიაბი, რომელმაც სეზონი შესანიშნავად დაიწყო, მაგრამ კვლავ ტრამვამ შეაწუხა. იმედი მაქვს, რომ იგი მალე დაუბრუნდება მოედანს. ფრანსის კოკელენი, უაღრესად ნიჭიერი ახალგაზრდა. სათამაშო დრო აუცილებლად უნდა მიეცეს...

მიუხედავად იმისა, რომ ბოლო ორი მატჩი არსენალის ნახევარდაცვა კარგად მოქმედებს. მე უფრო მეტს მოველი. თამაშიდან თამაშამდე ნახევარდაცვა მოუმატებს და უფრო უკეთესი გახდება. ჯერ ხომ ისინი ერთმანეთში შეუთამაშებლები არიან.