ლივერპული - მანჩესტერ იუნაიტედი Anfield დასაწყისი 16:30
პრემიერლიგის მეხუთე ტურის ერთ-ერთი ცენტრალური შეხვედრა ენფილდზე გაიმართება, სადაც ერთმანეთის პირისპირ ინგლისის ორი ყველაზე ტიტულოვანი გუნდი წარსდგება. "წითლებმა" სეზონი ძალიან ცუდად დაიწყეს და გატანილი გოლებით მხოლოდ "ნორვიჩს" და "ქპრ"-ს უსწრებენ. "იუნაიტედმა" უკანასკნელი 6 პრეიერლიგური მატჩიდან 5 მოიგო. ენფილდზე კი "წითელი ეშმაკები" 2007 წლის შემდეგ ვერ იმარჯვებენ. "ლივერპულს" ამ სეზონში გამარჯვება არ მოუპოვებია და ეცდება პირველი მოგება "მოსისხლე მტერთან" გაიფორმოს. საინტერესოა ჩამოართმევენ თუ არა ერთმანეთს ხელს ლუის სუარესი და პატრის ევრა. ორივე გუნდის ფებხურთელები და მწვრთნელები თანახმა არიან ხელის ჩამორთმევაზე.
"ლივერპულის" სასტარტო შემადგენლობაში ყველა ის ფეხბურთელი დაბრუნდა, რომლებმაც გამოტოვეს ევროპის ლიგის მატჩი "იანგ ბოიზის" წინააღმდეგ. ჯო კოულმა ვარჯიშები განაახლა, თუმცა სათამაშოდ მზად არ არის.

უახლოესი სამი კვირის განმავლობაში მუხლის ტრავმის გამო ვერ ითამაშებს ეშლი იანგი. დღეს ვერც უაინ რუნი მიიღებს მონაწილეობას. საინტერესოა რომელი ფეხბურთელი იქნება ძირითად შემადგენლობაში დაცვის მარცხენა ფლანგზე, ალექსანდრ ბიუტნერი თუ პატრის ევრა.