9 დეკემბერს ავიაკატასტოფაში დაიღუპა ცნობილი ამერიკელი მომღერალი ჯენი რივერა.პატარა რეაქტიული თვითმფრინავის, Learjet-ის ნამსხვრევები მექსიკაში აღმოაჩინეს, როგორც BBC-ი იუწყება ბორტზე 7 ადამიანი იმყოფებოდა, შვიდივე დაიღუპა.თვითმფრინავი ქალაქ მონტერეიდან აფრენის შემდეგ 10 წუთში გაქრა რადარის ეკრანებიდან.ჯენი რივერა მექსიკური წარმოშობის ამერიკელი მომღერალი იყო, გამოშვებული აქვს 13 ალბომი, მათ შორის ისეთი პოპულარულები, როგორიცაა "Simplemente La Mejor"-ი და "Mi Vida Loca".მომღერალი რამდენჯერმე იყო წარდგენილი "გრემის" პრემიაზე.იგი 43 წლისა იყო.