ამ დღეებში რეფერატს ვწერდი ქართულ წეს-ჩვეულებებზე, რომლებიც მოქმედებენ ტურიზმის განვითარებაზე. თემა არც ისე ადვილი დასაწერი გამოდგა. სად აღარ ვეძებე და შემთხვევით გადავაწყდი რუსულ საიტზე დაწერილ სტატიას, რომელიც საქართველოს შექმნის ორიგინალურ ვერსიას მოგვითხრობდა. სტატიას დაახლოებით 19-20 წლის რუსი გოგონა წერდა.

"ერთხელ ღმერთმა გადაწყვიტა, ერებს შორის მსოფლიოს განაწილება. ამ დროს ქართველები ქეიფობდნენ და დააგვიანდათ უფალთან მისვლა. ღმერთმა მიზეზის გაგების შემდეგ იკითხა, თუ რის სადღეგრძელოს სვამდნენ ისინი. ქართველებმა ამაყად უპასუხეს, ღვთის სამშობლოსა და ჩვენი კარგად ყოფნის დავლიეთო. უფალმა მიუგო: "მართალია მთელი მსოფლიო გავანაწილე, თუმცა მიწის პატარა ნაგლეჯი ჩემთვის დავიტოვეო. ეს მხარე ულამაზესია თავისი ბუნებითა და გასაოცარი მიწის ნაყოფიერებით. მე მსურს თქვენი ამ მხარეში დასახლება. გავა წლები, მაგრამ ადამიანთა მოდგმა გაოცდება თქვენი ქვეყნის სილამაზით."

აი ასეთი ლამაზი და გასაოცარი ქვეყანაა ჩვენი სამშობლო. მართალია ეს მხოლოდ ლეგენდაა, მაგრამ ყველა ლეგენდაში სიმართლის პატარა მარცვალი მაინც არის ხოლმე. მე პირადად ძალიან გამახარა და სიამაყით ამავსო რუსი გოგონას სტატიამ.