A კლასის მომღერალი, ულამაზესი და უნიჭიერესი სოფო ნიჟარაძე, სექსუალური, ფაქიზი, გრაციოზული, ყველასგან განსხვავებული ასე წერდა მსოფლიო პრესა მაშინ, როცა სოფო ევროზიაზე გამოდიოდა.

Shine - სინათლე, რომელიც ქართველ კონკურსანტს უნდა მიეწოდებინა 125 მილიონზე მეტი ევროპელი მსმენელისთვის, ნორვეგიელმა კომპოზიტორმა დაწერა.
ჯერ კიდევ რეპეტიციისას, მშვენიერმა სოფომ ძლიერი ტემბრითა და საინტერესო სცენოგრაფიით მიიპყრო ევროპის ყურადღება. მასზე წერდნენ, აშუქებდნენ, ბევრს ლაპარაკობდნენ... იყო პროგნოზები - ნორვეგიის საზოგადოებრივი მაუწყებლის შედგენილ ხუთეულში ერთ-ერთი წამყვანი პოზიცია სწორედ სოფო ნიჟარაძეს მიენიჭა.

"ყველაფერს გავაკეთებ, რომ ფინალში უკეთესად წარმოვაჩინო ჩემი ქვეყანა, გადმოვცე ყველა ის ემოცია, რასაც ვგრძნობ და ამით გამოვხატო სათქმელი", - ასეთი იყო სოფოს განწყობილება ნახევარფინალის შემდეგ ფინალური ტურისთვის.

სოფო ნიჟარაძის გამოსვლა არ იყო წარმატებული, იმ მოსაზრებით რომ ჩვენი ქვეყანა უფრო მეტს მოელოდა. სოფომ ათეულში მეცხრე ადგილი დაიკავა.