საქართველოს პრემიერმინისტრმა, ბიძინა ივანიშვილმა, გუშინდელი მთავრობის სხდომის დამთავრების შემდეგ, ჟურნალისტებთან განცხადება გააკეთა ტარიფებთან დაკავშირებით. ბიძინა ივანიშვილის თქმით, ტარიფები მინიმუმ 10%-ით დაიწევს. მან აღნიშნა, რომ ტარიფების განახევრება მათ პროგრამაში არ ეწერათ, თუმცა ცალკეულ საუბრებში "ქართული ოცნება" შეიძლება გადაჭარბებულადაც კი ლაპარაკობდა ტარიფების განახევრებაზე. ბატონმა ბიძინამ აღნიშნა, რომ ტარიფები არ განახევრდება, მაგრამ მინიმუმ 10%-ით დაიკლებს.