მოგეხსენებათ, სანამ სტატია დაიწერება საჭიროა ავირჩიოთ კატეგორია და დავფიქრდი, მინდოდა კულტურა მომენიშნა, მაგრამ თავს ვერ მოვატყუებდი. ამ სტატიით მინდა შევეხო დღეისათვის "პოპულარულ" "სიმღერას", რომელმაც მთელი ინტერნეტსამყარო "შეძრა". რამდენი, მართლაც, კარგი და გემოვნებიანი სიმღერა რჩება უყურადღებოდ. გავრცელდა ინფორმაცია, რომ ამ "სიმღერამ" ნახვის რეკორდი მოხსნა. გაკვირვებული ვარ, ნეტავ რა მოსწონთ ამ "სიმღერაში"? ნათქვამია გემოვნებაზე არ დაობენო, მაგრამ ყველაზე მეტს ამაზე დაობენ. მეგობარმაც მირჩია ცოტა იუმორისტული თვალით შეხედეო, მაგრამ დავიჯერო იუმორიც დამიჩლუნგდა? ვერცერთი მხარე ვერ მოვუძებნე, რაც ამ "სიმღერას" მომაწონებდა, თუმცა გადაკეთებული ვერსიები უფრო სახალისოა ვიდრე ორიგინალი.