არჩილ კბილაშვილმა პროკურატურაში საგანგები ბრიფინგი გამართა. მთავარმა პროკურორმა, ჟურნალისტებს ბაჩანა ახალაიას სისხლის სამართლებრივი დანაშაულის შესახებ ახალი ეპიზოდი გააცნო. მისი თქმით 2010 წლის 18 თებერვალს თბილისიდან, სენაკის მე-2 ბრიგადაში ახალაიას ბრძანებით 19 ჯარისკაცი გადაიყვანეს. ადგილზე ჩასულ ჯარისკაცებს დახვდნენ ბაჩანა ახალაია და გიორგი კალანდაძე, რომლებმაც და გამოძიებით დადგენილმა სხვა პირებმა, სენაკში ჩაყვანილ ჯარისკაცებს ორ ოცმეთაურთან ერთად მიაყენეს ფიზიკური და სიტყვიერი შეურაწყოფა. რომლის შემდეგაც ახალაიას ბრძანებით გააშიშვლეს ჯარისკაცები წელს ზემოთ და სიცივეში არბენინეს ერთი საათით, რის შემდეგაც მისივე ბრძანებით ჩაკეტეს აბანოში და დაუყენეს გუშაგები. გამოურთეს გათბობა და ამგვარ ვითარებაში ამყოფეს სამი ღამისა და ორი დღიის განმავლობაში, ამგვარ სიტუაციაში იმყოფებოდნენ სამხედრო მოსამსახურეები 2010 წლის 20 თებერვლამდე. მინიმუმ 36 საათი არ ეძლეოდათ მათ საკვები და სიცივეში ეძინათ იატაკზე. ამგვარი დანაშაულებების შემდეგ ბაჩო ახალაის საქმე კიდევ უფრო დამძიმდა.