ბრაზილიის ნაკრებისა და "მილანის" ფორვარდმა ალეშანდრე პატომ, თავისი ეროვნული ნაკრების ამერიკის თასზე წარუმატებელი გამოსვლის შემდეგ, ამჯობინა სამშობლოში არ დაყოვნებულიყო. მიუხედავად იმისა, რომ მას, ისევე, როგორც ყველა ბრაზილიელს, სამშობლო წარმოუდგენელი ძალით იზიდავს, პატო სარდინიაში გაემგზავრა, სადაც მეგობარ გოგონასთან ერთად კარგად ერთობა.
ხოლო მეგობარ გოგონას რაც შეეხება, ის სილვიო ბერლუსკონის ქალიშვილი ბარბარაა. ბარბარა და პატო თავს უხერხულად სულაც არ გრძნობენ, ერთმანეთს სახალხოდ კოცნიან, ეხვევიან ან საკმაოდ გამომწვევად იქცევიან. გავრცელდა ინფორმაცია, რომ პატომ თავისი მეგობარი გოგონასთვის სტრიპტიზიც იცეკვა იახტაზე. კიდევ კარგი, რომ პლიაჟზე არ იცეკვა.