1949 წლის დეკემბერს, სსრ კავშირში სასიხარულო მოვლენა აღნიშნეს: სტალინი 70 წლის გახდა. ქვეყანა თავის ლიდერს ულოცავდა, რომელმაც წარმატებით განახორციელა ინდუსტრიალიზაცია, მოიგო დიდი სამამულო ომი და ნაცისტების მიერ განადგურებული სსრ კავშირის ქალაქები აღადგინა.

ალბათ, იმ დროსაც იყვნენ ადამიანები, ვინც პარტიის პოლიტიკით კმაყოფილნი არ იყვნენ... და მსოფლიოს სხვა ქვეყნებში, უამრავი პოლიტიკოსი იყო, ვისაც სტალინი "გულზე, დიდად არ ეხატებოდა".

მაგრამ, იუბილე, მასშტაბურად აღინიშნა. სტალინმა უამრავი საჩუქარი მიიღო, რომლის დაყოფა 4 ჯგუფად შეიძლება:

⚡ საოცარი ნივთები;

⚡ ნივთები, პირადი მოხმარებისთვის;

⚡ ნივთები, რომელიც სსრ კავშირის მიღწევებს აჩვენებდა;

⚡ უცნაური საჩუქრები.

ბელადს იმდენი რამ აჩუქეს, რომ ყველაფრის გამოსაფენად და საჩვენებლად, რევოლუციის მუზეუმის 17 დარბაზის გამოყენება გახდა საჭირო.

⚡ უჩვეულო სუვენირები

სამწუხაროდ, საჩუქრის სრული სია შემონახული არ არის და საერთოდ, ნაკლებად სავარაუდოა, რომ ის არსებობდა. ამიტომ, აქ მხოლოდ რამდენიმე, ყველაზე გამორჩეულ ნივთს გავიხსენებთ:

1. პოლონელი მუშების მიერ შექმნილი ტელეფონი–გლობუსის.

2. ზლატოუსტში (ჩელიაბინსკის ოლქი, რუსეთი) ხმალი გააკეთეს, რომელზეც სტალინგრადის ბრძოლის ცალკეული ეპიზოდები იყო გამოსახული.

3. ჩინელმა ოსტატებმა ბრინჯის მარცვალზე სტალინის პორტრეტი ამოტვიფრეს – ნამდვილად რომ, დახვეწილი ნამუშევარი იყო!

ამ ყველაფერმა, რევოლუციის მუზეუმში, საპატიო ადგილი დაიკავა.

⚡ ნივთები პირადი მოხმარებისთვის

იყო ბევრი, შედარებით, ორიგინალურობას მოკლებული ნივთი, რაც სტალინის ჩვევების და ჰობის მიხედვით იყო შერჩეული.

მაგ.: აჩუქეს თამბაქოს ტომრები, ჩიბუხები, სიგარეტის კოლოფები, ასანთის კოლოფები, საფერფლეები და რა თქმა უნდა, წიგნები.

⚡ ნივთები, რომელიც სსრ კავშირის მიღწევებს აჩვენებდა

უფრო სწორად, მიღწევებს კი არ აჩვენებდა, არამედ, მრეწველობის სხვადასხვა დარგის მიღწევების დემონსტრირება იყო. მაგ., მსუბუქი მრეწველობის წარმომადგენლებმა იუბილარს ფეხსაცმელი, წინდები, ხელსახოცები და ბევრი სხვა რამ აჩუქეს.

⚡ უცნაური საჩუქრები

აქ უცნაურებს შორის, ყველაზე უცნაურებს წარმოგიდგენთ:

1. იტალიიდან ორი წყვილი ნეილონის წინა გაუგზავნეს. ძნელი გასაგებია, «ამით რისი თქმა სურდა ავტორს». სხვადასხვა ვერსია არსებობს. თუმცა, ყველაზე რელევანტური ასეთია: მათ სტალინისთვის იმის თქმა უნდოდათ, რომ საბჭოთა მსუბუქი მრეწველობა, მიუხედავად მიღწევებისა, მაინც ჩამორჩებოდა მსოფლიოს ინდუსტრიალიზაციას და სსრ კავშირში წინდების დამზადება არ შეეძლოთ.

2. საფრანგეთის წინააღმდეგობის მოძრაობის მონაწილეებმა სტალინს, გერმანული დროშა გაუგზავნეს, სვასტიკით*. ერთის მხრივ, გასაგებია, რომ ფრანგები ცუდს არაფერს გულისხმობდნენ. მათ დიდი ალბათობით, იმის ჩვენება უნდოდათ, რომ სტალინს დიდ პოლიტიკოსად თვლიდნენ, რომელმაც ომი მოიგო. ამიტომ, დროშა, ისე აჩუქეს, როგორც სიმბოლური ნადავლი.

რა თქმა უნდა, თითოეული საჩუქარი, ინდივიდუალურად უნდა შეფასდეს. უფრო მეტიც, ამოსავალი წერტილი კონტექსტი უნდა იყოს: ვინ და რატომ აჩუქა და რისი თქმა სურდა ამით და ა.შ.

* 1871 წ. არქეოლოგის ჰენრიხ შლიმანის ჩატარებული ექსპედიცია, მხოლოდ ბერძნული ქალაქის – ტროას გათხრებით არ არის ცნობილი. მან ძველი ქალაქის ნანგრევებთან ერთად, სვასტიკა — ძველი კულტურის სიმბოლო აღმოაჩინა.

ამ აღმოჩენიდან, სულ მალე, მსოფლიოს სხვადასხვა კუთხეში, არქეოლოგები გათხრების დროს, ნივთებს პოულობდნენ, რომლებზეც ანალოგიური სიმბოლოები იყო გამოსახული. ისტორიკოსების აზრით, ძველი ცივილიზაციების წარმომადგენლებს სჯეროდათ, რომ სვასტიკას წარმატების მოტანა შეეძლო. შლიმანმა გერმანიის ტერიტორიაზეც ჩაატარა არაერთი არქეოლოგიური ექსპედიცია და გათხრების დროს, ნაპოვნი ზოგიერთი არტეფაქტი, სწორედ სვასტიკით იყო დამშვენებული. იქიდან მოყოლებული, ანუ XIX საუკუნის II ნახევრიდან, სვასტიკა გერმანელებს საკუთარი კულტურის განუყოფელ ნაწილად მიაჩნდათ. ხოლო, დროთა განმავლობაში, ის «არიული რასის» და გერმანელი ხალხის ფაქტობრივი კავშირის განსახიერებად იქცა. გაგრძელება >>>

არხის სხვა სიახლეები:

* უცხოური ნივთები, რომელსაც სტალინი ყოველდღიურ ცხოვრებაში იყენებდა

* აღმოაჩინეს მტკიცებულება, რომლის მიხედვით, აღმოსავლეთის და დასავლეთის ცივილიზაციებს შორის კავშირი "აბრეშუმის გზამდე" იყო

* ეგონა, ლეკვი გადაარჩინა, მაგრამ სულ სხვა ცხოველი აღმოჩნდა

* რომელი ვიტამინი უწყობს ხელს წონაში კლებას და მნიშვნელოვნად აუმჯობესებს ჯანმრთელობის მდგომარეობას?