სოციალურ ქსელებში აქტიურად ვრცელდება პოსტები, რომ ტრამპი დიდი ხანია კგბ-ს აგენტია, პირველად მის შესახებ გასულ თვეში ინფორმაცია "ფეისბუქით"გაავრცელა ალნურ მუსაევმა, საბჭოთა და ყაზახეთის უშიშროების ყოფილმა თანამშრომელმა, რომ აშშ-ის პრეზიდენტი დონალდ ტრამპი 1987 წელს გადაიბარა კგბ-მ, საბჭოთა კავშირის უშიშროების კომიტეტმა და დაარქვა კოდური სახელი „კრასნოვი“.

მუსაევის პოსტში არ არის მითითებული, მან პირადად გადაიბირა ტრამპი თუ უბრალოდ იცოდა მისი გადაბირების შესახებ და არც იმაზე მიუთითებს, რომ ტრამპი აქტიურად იყო ჩართული ჯაშუშობაში თუ უბრალოდ პოტენციური აგენტი იყო.

ტრამპი ნამდვილად ეწვია მოსკოვს პირველ ცოლთან -ჩეხ ივანა მარია ტრამპთან ერთად 1987 წელს, (ფოტოზე)მაგრამ არ არსებობს რაიმე მტკიცებულება იმისა, რომ იგი აქტიურად იყო გადაბირებული კგბ-ს მიერ ამ მოგზაურობის ან სხვა დროს.

თუმცა, აქვე ირკვევა, რომ მუსაევის მოკლე ბიოგრაფიაში არის შეუსაბამობა: მუსაევი ამბობს, რომ მუშაობდა კგბ-ს მეექვსე სამმართველოში 1987 წელს, თუმცა მის ონლაინ ბიოგრაფიებში მითითებულია, რომ ის მსახურობდა კგბ-ში 1979 წლიდან 1986 წლამდე, შემდეგ კი საბჭოთა კავშირის შინაგან საქმეთა სამინისტროში გადავიდა.

პრორუსული პოზიციის გამო (აშშ-ს სხვა პრეზიდენტებთან შედარებით)ტრამპზე რამდენიმე წლის წინაც გაისმა ბრალდებები, რომ ის რუსეთის აგენტია - მაგალითად, 2021 წლის წიგნში "American Kompromat" გამოქვეყნდა ინტერვიუ ყოფილ კგბ-ს აგენტთან, რომელიც ასევე ამტკიცებდა, რომ სააგენტომ ტრამპი აგენტად აიყვანა. თუმცა, ამის მტკიცებულება და კომპრომატები არ არსებობს, შესაბამისად სდუმს ამის შესახებ აშშ-ს გამოძიების ფედერალური სამსახურიც;

აი რა ისტორია ვრცელდება ტრამპის შესახებ სოცქსელებში: