კინოს სამყაროში არის ისტორიები, რომლებიც ლოგიკური და გასაგები ჩანს, თუნდაც მოქმედება შორეულ მომავალში, პარალელურ რეალობაში ან ჯადოსნურ შუა საუკუნეებში ვითარდებოდეს. მაგრამ არსებობს ფილმები, რომელთა სიუჟეტი იმდენად აბსურდულია, რომ მათი წარმატება შეუძლებელი გვგონია. თუმცა ეს ფილმები აბსურდულობით და გიჟური იდეებით საკულტო გახდა.

მაყურებლებს მოსწონთ უჩვეულო კონცეფციები, თუ სწორად მიწოდებულია: იქნება ეს ვამპირებზე მონადირე პრეზიდენტი, დროში მოგზაურობის შესაძლებლობის მქონე ჯაკუზი თუ გვამი, რომელიც პარტნიორს გადარჩენაში ეხმარება.

ამ ფილმების სიუჟეტები ქაღალდზე გიჟის ნაბოდვარს ჰგავს, მაგრამ მაინც მოიპოვეს აღიარება, ფანები და საკულტო სტატუსიც. დიახ, ყველას არ აქვს მაყურებელთა მაღალი შეფასება, მაგრამ აჟიოტაჟი ნამდვილად გამოიწვიეს.

დროის მანქანა ჯაკუზიში (2010)

ოთხი მეგობარი მოულოდნელად ხვდება 1980-იან წლებში დროის მანქანით, რომელსაც აქვს ჯაკუზის ფორმა. რა?

პრეზიდენტი ლინკოლნი: ვამპირებზე მონადირე (2012)

ახალგაზრდა აბრაამ ლინკოლნი ებრძვის არა მონობას, არამედ ვამპირებს, რომლებმაც დედამისი მოკლეს. და აქ ბოევიკის გმირივით მოქმედებს. რა?!

მაკრატელხელება ედვარდი (1990)

ადამიანი, რომელიც ხელოვნურად შექმნეს, მაგრამ დაუმთავრებელი დარჩა. მას ხელების ნაცვლად აქვს ბასრი მაკრატლები. არის კეთილი და მგრძნობიარე, ცდილობს, იპოვოს თავისი ადგილი უბრალო ადამიანების სამყაროში. ყველა ისე იქცევა, თითქოს ეს ცოტა უცნაურია, მაგრამ არც ისე ძალიან.

სიამაყე, ცრურწმენა და ზომბები (2015)

თუ ლინკოლნი ვამპირებს მუსრავდა, დები ბენეტები და მისტერ დარსი თავს შესანიშნავად გრძნობენ ვიქტორიანული ზომბების აპოკალიფსში.

კაცი - შვეიცარიული დანა (2016)

მთავარი გმირი, რომელიც მარტო დარჩა უკაცრიელ კუნძულზე, ხვდება გვამს. ეს გვამი მარტივი არ არის. მის სხეულს აქვს სხვადასხვა სასარგებლო ფუნქცია, შეუძლია გადაიქცეს ძრავიან ნავად, წყლის ტუმბოდ, მრავალფუნქციურ იარაღად.

იყო ჯონ მალკოვიჩი (1999)

ჩვეულებრივ ოფისში აღმოაჩინეს საიდუმლო კარი, რომელიც მიდის პირდაპირ ცნობილი მსახიობის ჯონ მალკოვიჩის გონებაში. ნებისმიერს შეუძლია მის თავში შეაღწიოს და ავატარივით აკონტროლოს მისი სხეული. ეს როგორ?

ადრენალინი: მაღალი ძაბვა (2009)

პირველი ნაწილი, რომელსაც ასევე არ ჰქონდა ადეკვატური სიუჟეტი, მთავრდება სტეითემის პერსონაჟის მაღალი სიმაღლიდან ვარდნით. მაგრამ გამოდის გაგრძელება და ირკვევა, რომ შვეულმფრენიდან ჩამოვარდნის შემდეგ გმირს უბრალოდ სჭირდება გულის შეცვლა. სხვა მხრივ, ყველაფერი კარგადაა. სხვა პრობლემა არ არის, მხოლოდ გული, მართლა?

მას ცვლიან ხელოვნური გულით, რომელსაც მუდმივად სჭირდება ელექტროდამუხტვა. სიკვდილის თავიდან ასაცილებლად გმირი დარბის ლოს-ანჯელესში, გადის გიჟურ განსაცდელებს, მათ შორის იღებს ელექტროშოკს მაღალი ძაბვის ხაზებიდან.

კოკაინის დათვი (2023)

დათვმა შემთხვევით შეჭამა კონტრაბანდისტების მიერ გადაგდებული დიდი რაოდენობით კოკაინი და დარბევა დაიწყო, რამაც ტყეში ხოცვა გამოიწვია. რა?

ფილმი დაფუძნებულია ნამდვილ ტრაგიკულ შემთხვევაზე, როდესაც კონტრაბანდისტებმა მართლაც გადაყარეს ბევრი კოკაინი ტყეში, სადაც დათვი იყო. მაგრამ იქ არანაირი ხოცვა არ ყოფილა.

სახის გარეშე (1997)

FBI-ის აგენტმა გადაინერგა საშიში კრიმინალის სახე იმის გასარკვევად, სად განათავსეს ბომბები მან და მისმა თანამზრახველებმა. მაგრამ კრიმინალი შურს იძიებს და ინერგავს აგენტის სახეს. ახლა მათ ერთმანეთის სახეები აქვთ. რა?

ასევე დაგაინტერესებთ:

2025 წელი კინოში: როგორ პროგნოზირებდნენ ამ წლის მოვლენებს გასული წლების ფილმებში

„მატარებელი ბუსანში“ და „კივილი“: Collider-მა დაასახელა 20 საუკეთესო დორამა ზომბებზე

გამოიცანით ფილმები გმირების კოსტიუმების და რეკვიზიტების მიხედვით

10+ კინოშედევრი საღამოს საყურებლად, რომლის არჩევანშიც არ შეცდებით

14 ფილმი, რომელთა შექმნისთვის ფული დაზოგეს, მაგრამ მათ ნამდვილი ფურორი მოახდინეს