ამერიკელმა ისტორიკოსმა სტივენ კოტკინმა თქვა, რომ აშშ-ს პრეზიდენტს დონალდ ტრამპს სურს უკრაინა უნიტაზში ჩარეცხოს, ამის შესახებ მან ჰოვერის ინსტიტუტის იუთუბის არხისთვის მიცემულ ინტერვიუში განაცხადა.

კოტკინმა გაიხსენა, რომ აშშ-ის ყოფილი პრეზიდენტი ბარაკ ობამა უკრაინას დიდ მნიშვნელობას არ ანიჭებდა. ქვეყანა "პოლიტიკოსის პრიორიტეტთა სიაში იმდენად დაბალი იყო, რომ ყირიმის რუსეთთან გაერთიანების შემდეგ მან უკრაინის ტერიტორიაზე პასუხისმგებლობა თავის ვიცე-პრეზიდენტს ჯო ბაიდენს გადასცა.

„ახლა ჩვენ გვყავს პრეზიდენტი ტრამპი, რომელიც ასევე არ იჩენს აქტიურ ინტერესს უკრაინის მიმართ. მას, ფაქტობრივად, უკრაინის გაქრობა ურჩევნია, ტუალეტში ჩაშვება, შესაბამისი ხმა გაისმას და ყველაფერი გაქრეს. მისი პოზიცია ამ საკითხთან დაკავშირებით დიდად არ განსხვავდება ობამას პოზიციისგან.“- განაცხადა კოტკინმა.

ისტორიკოსმა დასძინა, რომ ბაიდენი "შუაღამისას გაიქცა" ავღანეთიდან და "შავი ლაქა დატოვა თავის პრეზიდენტობისას". მას აინტერესებს, დატოვებს თუ არა ტრამპი მსგავს „ლაქას“, თუკი კიევის დატოვებს „რთულ მომენტში“ და როგორ იმოქმედებდა ეს მის პრეზიდენტობაზე.